1 Tesaloniki 1:10 - Ala la kitabuenu Mɔgɔfin kuma tɔ

¹⁰ wo mɛn ni gbataa a la den kayireŋɛ kɔnɔn koe la kabɔɔ saŋɛ tɔ, min mu Isa la. Ala ka a lawuli fagabaganu tɛma, ale Isa le be wo mɔ lakisila Ala la dumɛŋɛ ma, min be nala.

1 Tesaloniki 1:10 ပူးပေါင်းရင်းမြစ်များ

Ko fɔlɔfɔlɛ 49:18

Ee Alatala, n hakkile be i ma, i si n nakisi le.

Luki 2:25

Wo ka a taran, kaye do be nun Darisalamu min tɔgɔ Simeyɔn. Wo kaye telenta, a mu Ala ɲala kilanna le la. A be bani Isirayila mɔgɛnu la jusu makimala kɔnɔnden. Ala Hakkili saniyandeŋɛ be a fɛ.

Luki 3:7

Awa, jama banba bɔɔta, anu nata Yaya ma a ni anu lasuwɛ je tɔ. A ka a fɔ anu ye: «Wole kaa bɔnsɛ, ɲɔmɔ le ka a fɔ wo ye wo si kisi Ala la kiite ɲatɔ min be nala?

Kiilanu 1:11

Wonu ka a fɔ: «Galile kaanu, wo be sɔren yan fenna wo ni to balaren saŋɛ ma? Ale Isa min bɔɔta wo tɛma, Ala ka min nayɛlɛ saŋɛ tɔ, a mɛn si tajigi le iko wo ka a yen yɛlɛla saŋɛ tɔ ki min na.»

Kiilanu 17:31

Wo butɔ, a bata lɔgɔ dɔndɔ masubɛ, a si naa dunuya mɔgɛnu bɛ makiiti lun min na teleŋɛ butɔ, kaye do sabu la, a bata min masubɛ. A to ka wo kaye lawuli ka a bɔɔ fagabaganu tɛma, wolo mata seedeɲɔgɔya la mɔgɛ bɛ ye ka a fɔla ale len mu mɔgɔ masubɛreŋɛ la.»

Kiilanu 2:24

Ala ka faga dumɛ bɔɔ a ma, a ka a talawuli. Iyon, faga ma nɔ sɛnbɛ sɔtɔla a kunma.

Kiilanu 2:32

Iyon, Ala bata ale Isa le lawuli. Mɔ bɛ mu wo koe seede la.

Kiilanu 3:15

Wo butɔ, wo bata Malakisi tige faga, kɔnɔ Ala ka a lawuli fagabaganu tɛma; mɔle mu wo seede la.

Kiilanu 3:21

Kɔnɔ fɔ Isa ni to saŋɛ tɔ, han wagate tini ke, koenu bɛ be taɲiɲala tɛmuɛ min tɔ, iko Ala ka a yita ki min na a la nabiyonmɛ saniyandeŋɛnu sabu la bɔɔla hau.

Kiilanu 4:10

Wo butɔ, wole nun bani Isirayila kaanu bɛ ni a lɔn, kɛ kaye min be sɔren yan wo ɲala, a kendeyata Isa Nasarɛti kaa, Ala la mɔgɔ masubɛreŋɛ tɔgɛ le sabu la. Wole ka Isa min banban lɔgɛ tɔ, Ala kan ka a lawuli fagabaganu tɛma.

Filipi 3:20

Kɔnɔ wo mɔle kan bata mu arijanna le la. Wo mɔ mɛn be mɔ la malakisilá min makɔnɔnden, Marige Isa Ala la mɔgɔ masubɛreŋɛ, wolo si na kabɔɔ saŋɛ tɔ, a ni na wo mɔ kɔma.

1 Tesaloniki 1:7

Wo bɛ butɔ, wole bata ma misale la dɛnkɛnɛyabaga bɛ ye minnu be Masedoni nun Akayi duge tɔ.

1 Tesaloniki 2:16

Wo kɛlɛ tɛgɛ butɔ, anu be diren mɔ ɲamɔla mɔ kana sii gbɛtɛnu kawandi alako wonu ni kisi. Wo butɔ, anu be anu la junube minnu mala bɔɔla bima, anu be a kɔnte kunmasala han a ni tanbi a tɔ. Kɔnɔ, Ala la dumɛ bata anu bita.

1 Tesaloniki 2:7

Ala la mɔgɔ masubɛreŋɛ la kiilanu to mu mɔ la, mɔ si nɔ le mɔ la ko kote sigila wo kunma nun, kɔnɔ mɔ ma sɔn. Mɔ bata ma mɔgɔ diɲareŋɛnu la wole la ko la, iko konbira min be mɛnnila a la deŋɛnu ma.

1 Tesaloniki 5:9

Ala ma a lagiri wo mɔ ma, wo mɔ ni a la dumɛŋɛ sɔtɔ, fɔ kise sɔtɔ koe wo mɔ Marige Isa sabu la, Ala la mɔgɔ masubɛreŋɛ,

1 Piyɛri 1:21

Wo dɛnkɛnɛyata Ala ma ale le sabu la, Ala ka min nawuli faga ma, a ka kunnawule dii a ma. Wo butɔ, wo ni laa Ala la, wo ni wo hakkile sɔ a ma.

1 Piyɛri 1:3

Tantue be Ala ye, wo mɔ Marige Isa Ala la mɔgɔ masubɛreŋɛ Baaba Ala. A bata kinikini wo mɔ ma koola, han a ka a ma wo mɔ ni tasɔtɔ a nama la Isa la malawule sabu la. A to ka Isa lawuli faga ma, wolo ka a ma yige be wo mɔ ma, yige min te ban.

1 Piyɛri 2:21

Wo be keleren wolo la, bayi Ala la mɔgɔ masubɛreŋɛ tugun tɔɔrɔta le wo mɔ ye. A ka misale to wo ye, alako wo ni a ladegen.

1 Piyɛri 3:18

Ala la mɔgɔ masubɛreŋɛ tugun tɔɔrɔta le dɔndɛ la junubenu la ko la. Ale min mu telenbaga la, a ka wo ma telenbalenu le ye. A ka wo ma le alako a ni wo madon Ala la. Anu ka a bale faga, kɔnɔ Ala Hakkile ka a nɛɛ lasaagi a ma.