1 Samiyɛli 9:21 - Ala la kitabuenu Mɔgɔfin kuma tɔ

²¹ Sayulu ka a fɔ, a ko: «Bunyamin kaa le mu n na, mɔle bɔnsɛ ma dɔgɔ ba bɔnsɛ bɛ tɛma Isirayila? Mɔ la gabila le tugun ma dɔgɔ gabila bɛ ko ba Bunyamin bɔnsɛnu tɛma? Fen de be a maren i be kumala n ɲɛ kɛ mɔɔle la?»

1 Samiyɛli 9:21 ပူးပေါင်းရင်းမြစ်များ

Luki 14:11

N ni a fɔ wo ye: mɔgɔ yo be a fan mayɛlɛla, Ala si wo majigi le, kɔnɔ mɔgɔ yo be a fan majigila, Ala si wo mayɛlɛ le.»

1 Samiyɛli 10:27

Kɔnɔ mɔgɛ sondon koroŋɛ donu tugun be nun, anu be a fɔla, anu ko: «Bɔ kɛ-lɛ be wo mɔ lakisila ba?» Anu yota a ma, anu ma fenfen nati a buuɲa la. Kɔnɔ Sayulu haju ma to wo tɔ.

1 Samiyɛli 14:51

Abiyeli la deŋɛnu le be tabɛnden Sayulu baaba Kisu, anun Abineri baaba Neri ma.

1 Samiyɛli 15:17

Samiyɛli ka a fɔ: «Fɔlɛ tɔ nun, i to be yoren i fan ma, i ma ma Isirayila bɔnsɛ bɛ la mansa la ba? Alatala ma i masubɛ ba, a ka i ma mansa la Isirayila kunma?

1 Samiyɛli 18:18

Dauda ka Sayulu jaabi, a ko: «Fende mu nde la? N na dunuya takunte be maren kama le? Fen de mu n baaba bɔnsɛ la Isirayila? Mansa si ma n bitaŋɛ la ba?»

1 Samiyɛli 18:23

Sayulu la walilanu ka wo kumanu bɛ matanbi Dauda ma. Dauda ka anu jaabi, a ko: «A be toren wole ye, ko dɔgɔman de mu wo la, ma koe mansa bitaŋɛ la? Fondobɔnɛ le mu n na, n sɔdula ma kolo.»

1 Samiyɛli 9:22

Samiyɛli ka Sayulu nun a la kamareŋɛ jigan, a ka anu ladon boŋɛ bu banba butɔ, a ka anu sigi sigidula fɔlɔfɔlɛ tɔ mɔgɔ makelereŋɛnu bɛ tɛma. Wo mɔgɔ makelereŋɛnu si taga han mɔgɔ bi saba.