1 Samiyɛli 9:16 - Ala la kitabuenu Mɔgɔfin kuma tɔ

¹⁶ «Sinan kɛ wagate, n si mɔgɔ do lasanba i ma, min be bɔɔla Bunyamin bɔnsɛ la duge tɔ. I ni tule bɔn wo tigi kuŋɛ tɔ a yita koe la a bata ma n na Isirayila jama latagamanná la. A si n na jama lakisi le Filisiti kaanu bolo, bayi n bata n hakkili to n na jama ma, anu diri kulɛ bata na han a bata n taran.»

1 Samiyɛli 9:16 ပူးပေါင်းရင်းမြစ်များ

1 Samiyɛli 10:1

Samiyɛli ka tulu bitira lanma dɔndɔ jigan, a ka a bɔn Sayulu kuŋɛ ma. A ka a sunbu, a ka a fɔ a ye, a ko: «Alatala bata i masubɛ i ni ma a la jama latagamanná la.

1 Samiyɛli 14:20

Wo kɔma, Sayulu ka a la jama bɛ makele, anu tagata han kɛlɛ dula tɔ. Anu tagata a taran, Filisiti kaanu bɛ be anu ɲamatelenden a kafuɲɔgɛ ma, anu be ɲɔgɔn kɛlɛla. Filisiti kaanu ɲaminta kilaŋɛ la han.

1 Samiyɛli 14:23

Alatala ka Isirayila jama lakisi wo lun. Kɛlɛ yajɛta han Beti-Aweni saa tɔ.

1 Samiyɛli 15:1

Lun do, Samiyɛli ka a fɔ Sayulu ye, a ko: «Alatala ka nde le kii n ni tule bɔn i kuŋɛ tɔ nun a yita koe la i bata ma Isirayila mansa la. Awa, i tolomasɔ kɔtɛ Alatala la kuma la n be min fɔla i ye.

1 Samiyɛli 16:1

Alatala ka a fɔ Samiyɛli ye, a ko: «I be suunula Sayulu la ko la han muntuma? Nde bata a aɲɛ, a te ma Isirayila mansa la bitugun. Kɔtɛ, i la bina lafa tule la, i ni taga Betilɛmu, n be i kiila Jese le bata, bayi n bata mansa masubɛ a la den kayireŋɛnu tɛma.»

1 Samiyɛli 16:3

I ni Jese kele wo sarika tɔ, n si i lalɔn wo tuma i bɛnta i ni min ma. N si naa le mɔgɛ yitala i la, i si tule bɔn wo tigi kuŋɛ tɔ a yita koe la min si ma mansa la.»