1 Samiyɛli 8:7 - Ala la kitabuenu Mɔgɔfin kuma tɔ

⁷ Kɔnɔ Alatala ka a fɔ Samiyɛli ye, a ko: «Jama kulɛ lamɔɛ de! Ka anu ka min yo fɔ i ye, i ni wo bita, bayi anu bele ile le aɲɛren, anu be nde le aɲɛren, alako n kana ma mansa la anu kunma bitugun.

1 Samiyɛli 8:7 ပူးပေါင်းရင်းမြစ်များ

Hɔrɔya 16:8

Musa ka a fɔ, a ko: «Alatala si sube dii le wo ma bi wura la wo si min dɔmɔ. Saguma tugun a ni dɛgɛ dii wo ma min si wo fa. Wo be kuma mɛsɛŋɛnu minnu mafɔla a ma, a bata anu mɔɛ. Fenfen ma mɔle la. Wo bele a fɔla mɔle le ma de, wo be a fɔla Alatala le ma.»

Luki 10:16

Isa ka a fɔ a la talibenu ye, a ko: «Mɔgɔ min bata wo tɛn kumari kulɛ lamɔɛ a ka a bita, wo tigi bata nde kulɛ bita. Min ka wo kulɛ lafili, a bata nde kulɛ tugun nafili. Min ka nde kulɛ lafili, wo bata Ala tugun nafili min be n kiiren.»

Luki 19:14

Kɔnɔ wo mansa bɔnsɛ kayi la jamanɛ mɔgɛnu be a kɔnden. A la bɔɔreŋɛ a la jamanɛ tɔ, a la taga kɔma anu ka kiilanu lasanba ka a fɔla: ‹Mɔ bele diren wo tige ni ma mɔ kunma mansa la.›

Luki 19:27

Anun, n kɛ jaguenu tugun minnu bele diren n ni ma anu kunma mansa la, wo wonu nati yan, wo ni anu faga n ɲala.› »

Yaya 13:16

N ni tɔɲa beeyareŋɛ fɔ wo ye: joŋɛ ma fisa a tige ko. Kiilá tugun ma fisa a kiilá ko.

1 Samiyɛli 10:19

Bi nɔn, wole le be wo la Ala aɲɛla, min ka wo lakisi tɔɔrɛ nun wo la ɲagankata bɛ ma. Wo be a fɔla a ye bi aa mansa ni sigi wo kunma. Awa, wo na sɔ Alatala ɲakɔtɔ ba, a bɔnsɔ bɔnsɔ kɛɲa ma, a gabila gabila kɛɲa ma.»

1 Samiyɛli 12:1

Samiyɛli ka a fɔ bani Isirayila kaanu bɛ ye: «Wo ka a lɔn, wo ka min fɔ n ɲɛ, n ka a bɛ lamɔɛ le: n ka mansa sɔ le wo kunma.

1 Samiyɛli 12:12

Awa, wo to ka a yen Nahasi, Amoni kaanu la mansa be nala wo kɛlɛdula, wo ka a fɔ n ɲɛ, wo ko: ‹Kɛ bata kun mɔ ye! Mɔ be diren mansa ni sɔ mɔ kunma kɔtɛ.› Adun, wo Marige Alatala le ɲan mu wo la mansa la!

1 Samiyɛli 8:22

Alatala ka a fɔ Samiyɛli ye: «I tolomasɔ anu la. I si mansa sɔ le anu kunma.» Wo tanbi kɔma, Samiyɛli ka a fɔ Isirayila jama ye: «Bɛ ni saagi a bata saa tɔ.»

1 Samiyɛli 8:8

Anu be min mala i la ka, anu be wolo mala nde tugun na nun: bɔɔla n ka anu labɔɔ Misira butɔ han bi, anu be n bolokaren ka ala gbɛtɛnu batu.