1 Samiyɛli 8:6 - Ala la kitabuenu Mɔgɔfin kuma tɔ

⁶ A fɔ koe, «mansa don mɔ bolo, ale ni ma mɔ la kuntige la», a bele diyaren Samiyɛli kan ye. Wo butɔ, a ka Alatala mataran.

1 Samiyɛli 8:6 ပူးပေါင်းရင်းမြစ်များ

Hɔrɔya 32:21

Wo kɔma, a ka Harona maɲininka, a ko: «Kɛ jama ka fen de ma i la, han i be anu sɔren kɛ junubu banba wale ma koe la?»

Hɔrɔya 32:32

Kɔtɛ, ka i diɲata anu ye, awa. Ka i ma diɲa anu ye, yandi, i ni n tɔgɛ bɔɔ i la wala tɔ, i be mɔgɔ kisireŋɛ tɔgɛnu sɛbɛren min tɔ.»

Filipi 4:6

Wo kana hanmɛ fenfen na. Kɔnɔ koe bɛ butɔ, wo ni Ala mataran ka a madiya. Wo butɔ, fenfen min sɔgɔ be wo la, wo be wolo dantɛgɛla a ye ka a tantu.

Yaguba 1:5

Ka hakkilimaya bele mɔgɔ do bolo wo tɛma, a tigi ni Ala táran. A si a sɔtɔ le, bayi Ala te dumɛn mɔgɔ yo ma a ni a yigitɛgɛ, fɔ a ni i kɔ a yiriwareŋɛ le la.

1 Samiyɛli 10:19

Bi nɔn, wole le be wo la Ala aɲɛla, min ka wo lakisi tɔɔrɛ nun wo la ɲagankata bɛ ma. Wo be a fɔla a ye bi aa mansa ni sigi wo kunma. Awa, wo na sɔ Alatala ɲakɔtɔ ba, a bɔnsɔ bɔnsɔ kɛɲa ma, a gabila gabila kɛɲa ma.»

1 Samiyɛli 12:12

Awa, wo to ka a yen Nahasi, Amoni kaanu la mansa be nala wo kɛlɛdula, wo ka a fɔ n ɲɛ, wo ko: ‹Kɛ bata kun mɔ ye! Mɔ be diren mansa ni sɔ mɔ kunma kɔtɛ.› Adun, wo Marige Alatala le ɲan mu wo la mansa la!

1 Samiyɛli 12:17

Hali sangi na wagate to ma ka, n be Alatala mataranna le, a ni sange nun sangi bulanu lana. Ka wo ka wo yen, wo si lɔn sɔtɔ a ma ka a fɔla wo to ka mansa ɲini, wo be ko koron belebele le maren Alatala ɲakɔtɔ wo la.»

1 Samiyɛli 12:19

Jama bɛ nata a fɔ Samiyɛli ye, anu ko: «I Marige Alatala mataran mɔ ye, mɔle i la joŋɛnu, alako mɔ kana faga. Bayi mɔ ka junube min bɛ ma nun, mɔ ka kɛ ko koroŋɛ tugun sa a kunma ka i maɲininka i ni mansa sigi mɔ kunma.»

1 Samiyɛli 12:23

Nde tugun, n te sɔn feu junube sɔtɔla Alatala la a mataran baliya la wo ye. N si to wo karanna ko ɲinma nun kila telendeŋɛ le la.

1 Samiyɛli 15:11

«N be nimisaren de bi Sayulu ma koe la mansa la, bayi a bata a kɔ sɔ n na, a bele n kumari kulɛ jokkiren bitugun.» Samiyɛli dumɛnta, a belebeleta Alatala la sue bɛ.

1 Samiyɛli 7:5

Samiyɛli ka a fɔ: «Wo ni Isirayila kaa bɛ madɛn Misipa saa tɔ, n ni naa Alatala mataran wo ye.»