1 Samiyɛli 8:4 - Ala la kitabuenu Mɔgɔfin kuma tɔ

⁴ Lun do, Isirayila kayibanu bɛ madɛnta, anu tagata Samiyɛli yendula Rama saa tɔ.

1 Samiyɛli 8:4 ပူးပေါင်းရင်းမြစ်များ

Hɔrɔya 24:1

Ala ka a fɔ Musa ye, a ko: «Yɛlɛ nde Alatala dula yan kɔnkɛ tɔ, ile nun Harona, anun Nadabi, anun Abihu, anun bani Isirayila kayiba mɔgɔ bi wɔrɔwila. Wo kana wo madon n na han, wo mɛn ni sujudu.

Hɔrɔya 3:16

Taga bani Isirayila kuntigenu madɛn, i ni a fɔ anu ye, i ko: ‹Alatala, wo benbanu la Ala, anun Iburahima, anun Isiyaka, anun Yaguba la Ala bɔɔta n ma. A ko, aa a si naa hinnɛ wo la, aa a bata a yen anu be min mala wo la Misira.

1 Samiyɛli 1:19

Wo lun tabantaka saguma piri, Elikana nun a la denbaya wulita, anu tagata sujudu Alatala ye, anu saagita anu bata Rama. Wo kɔma, Elikana nun a la muse Hana kafuta. Alatala hinnɛta Hana la:

1 Samiyɛli 11:3

Yabesi kayibanu ka a fɔ a ye: «Diɲa mɔ ye tele wɔrɔwila kɔtɔ, alako kiilá ni taga Isirayila duge bɛ tɔ. Ka a taranta dodo ma na mɔ dɛmandula, wo wagate mɔ si naa mɔ yɛtɛ to i sagoe tɔ.»

1 Samiyɛli 7:17

Wo kɔma, a ni na saagi a bata Rama saa tɔ, ɲɔ tugun a be kɛnɛ kiite sala Isirayila kaanu tɛma. A mɛn be sarika bintandula do ɲiɲaren ɲɔ Alatala ye.

1 Samiyɛli 8:10

Samiyɛli ka Alatala la kuma bɛ matanbi jama ma, minnu be mansa la ko ɲininkare maren nun a ma.