1 Samiyɛli 6:4 - Ala la kitabuenu Mɔgɔfin kuma tɔ

⁴ Filisiti kaanu ka ɲininkare ma, anu ko: «Awa, mɔ be a masɔla yɛtɛ lasaagi sarika miniman de la?» Anu ka anu jaabi, anu ko: «Fondo loolu sanunɛŋɛ yiti bandiya misale la, anun tula loolu misale la, wonu tugun sanunɛŋɛ, Filisiti kuntigenu kɔnte ma, bayi jihade min be sigiren wo ma, wo dɔndɛ le be sigiren wo nun wo la kuntigenu bɛ ma.

1 Samiyɛli 6:4 ပူးပေါင်းရင်းမြစ်များ

Hɔrɔya 12:35

Bani Isirayila kaanu ka a ma iko Musa ka a fɔ anu ye ki min na, anu ka Misira kaanu táran fondo kaalisinɛŋɛnu nun sanunɛŋɛnu la, anun kutanu.

1 Samiyɛli 5:12

Ka minnu kisita faga ma, yiti bandiya ni wonu bita. Ɲɔ kaanu ka anu kulɛ mayɛlɛ dɛmare koe la han a keta saŋɛ tɔ.

1 Samiyɛli 5:6

Alatala ka a la nɔɛ digin Asidɔdi kaanu ma, a ka kasara siyama ma anu tɛma. A ka yiti bandiya latugu Asidɔdi saa la, anun a be duge min bɛ yamɔrila.

1 Samiyɛli 5:9

Kɔnɔ wo kankira latanbi kɔma Gati saa tɔ, Alatala ka a la nɔɛ digin anu ma. Wo mata anu ye kilaŋɛ banba la. Kabɔɔ dendeŋɛnu ma, han ka ke kayibanu ma, yiti bandiya tuguta anu bɛ la.

1 Samiyɛli 6:5

Wo butɔ, wo ni wo la yiti bandiyanu nun tulanu minnu be wo tiɲala duge butɔ misale ɲiɲa. Wo ni biliya dii Isirayila la Ala ma. Tumado a la dumɛ donden si lasɔ wo ye, wo la kuyenu nun wo la duge ye.

1 Samiyɛli 6:8

Wo ni Alatala la kankira jigan, wo ni a sigi wo sarɛti kunma. Wo be wo sanu miraŋɛnu minnu bɔɔla yɛtɛ lasaagi sarika la, wo ni anu sa kankira lanma do butɔ, wo ni a sigi Alatala la kankira kɛnna. Wo tanbi kɔma, wo ni a to anu ni taga.