1 Samiyɛli 31:7 - Ala la kitabuenu Mɔgɔfin kuma tɔ

⁷ Isirayila mɔgɛ minnu be nun fole kɔkɔma, anun Yurudɛn kɔɛɛ kɔkɔma, wonu naata lɔn sɔtɔ a ma, ka a fɔla Isirayila sɔɔrenu be borila, aa Sayulu nun a la den kayireŋɛnu tugun bata faga. Wo butɔ, anu ka anu la saanu aɲɛ, anu borita. Filisiti kaanu tagata sigi wo saanu tɔ.

1 Samiyɛli 31:7 ပူးပေါင်းရင်းမြစ်များ

Lewi bɔnsɛnu la sariya 26:32

Nde yɛtɛ tini ban wo la jamanɛ jɔnjɔnna, wo jaguenu si kaabɛ le ɲɔ la ko la.

Lewi bɔnsɛnu la sariya 26:36

Minnu ma faga wo kɛlɛnu tɔ, n si kilaŋɛ lasanba le anu ma anu juse ni makasa anu be anu la jaguenu la dugenu tɔ ka min na. Hali anu ka yanba boere kulɛ mɔɛ, anu si bori le. Anu si bori anu ni boe hali fan tigi yo bele anu jokkiren.

1 Samiyɛli 13:6

Bani Isirayila kaanu juse maɲakuta anu ma, bayi anu ka a yen anu bata lakɛtɛn. Wo butɔ, anu tagata dogon. Donu dogonta kɔnkɛnu tɛma, donu dogonta fanmɛnu tɔ, donu dogonta fatanu tɛma, donu dogonta dinkanu butɔ, donu dogonta dogondula mɔɔle doenu tɔ.

1 Samiyɛli 13:7

Hebure donu ka Yurudɛn kɔɛɛ tɛgɛ, anu tagata Gadi anun Galadi dugenu tɔ. Kɔnɔ han bi Sayulu kan be Giligali. Jama min bɛ tota a kɛnna, wonu bɛ be sɛrɛnna kilaŋɛ la.

1 Samiyɛli 31:6

Sayulu fagata ɲɔgɔnna le, ale nun a la den kayiren sabanu anun a la kɛlɛ mafeŋɛ mayadɛlá, anun a kɛnnasɔlanu bɛ wo lun dɔndɛ.

1 Samiyɛli 31:8

Wo tabantaka, Filisiti kaanu tagata mɔgɔ fagareŋɛnu la fondonu jigandula, anu nata Sayulu nun a la den kayiren saba furenu yen, minnu boeta nun Giliboya kɔnkɛ tɔ.