1 Samiyɛli 29:3 - Ala la kitabuenu Mɔgɔfin kuma tɔ

³ Filisiti kaanu la sɔɔri kuŋɛnu ka Akisi maɲininka: «Bɔ, kɛ Heburenu kan be fen ɲinila yan?» Akisi ka wo sɔɔri kuŋɛnu jaabi, a ko: «Bɔ, Dauda ma kɛ la ba, min be maren Sayulu la walilá la nun, Isirayila la mansa? A bɔɔta Sayulu kɔma a nata to n kɔma, wo bata kari siyama bɔɔ. Bɔɔla a donta n bata han bi, n ma fenfen koron yen a la.»

1 Samiyɛli 29:3 ပူးပေါင်းရင်းမြစ်များ

Ko fɔlɔfɔlɛ 14:13

Mɔgɛ do borita a ni taga wo koe bɛ sifɛ Iburama ye, a be a fɔla Iburama min ma Hebure kaye. Wo tɛmuɛ, Iburama be sabatiren Mamire la lɔgɔ kutu banba kɛnna. Wo Mamire mu Amɔri bɔnsɛ do le la. A bareŋɛnu le mu Esikoli anun Anɛri la. Wonu bɛ mu Iburama dɛmanna le la.

Yaya 19:6

Kɔnɔ sarika lakela kuntigenu nun kɔsɔbilenu to ka a yen, anu ka sɔnkɛ layɛlɛ, anu ko: «A ni banban lɔgɛ tɔ! A ni banban lɔgɛ tɔ!» Pilati ka a fɔ anu ye: «Wole yɛtɛ ká a jigan, ka a banban lɔgɛ tɔ, bayi nde bele fenfen koron yenden a la, a si makiiti min na.»

1 Piyɛri 3:16

Wo ni wo kuma fɔ jusu sɛɛya la anun biliya butɔ. Wo ni wo ma jusu beeya la, alako wo jaguenu minnu be wo makumala anu ni wo tɔɲɛgɛ wo tagamanɲa la Ala la mɔgɔ masubɛreŋɛ ye, wonu ni to maluya tɔ.

1 Samiyɛli 14:11

Anu fila bɛ tagata anu yɛtɛ labɔɔ Filisiti kaanu ma. Filisiti kaanu ka a fɔ, anu ko: «Bɔ, a fɛlɛ ba, Hebure kaanu be bɔɔla dinkanu tɔ anu be dogonden ka min na nun.»

1 Samiyɛli 25:28

Yandi diɲa i la jon muse la tantaŋɛ ma! N ka a lɔn a ɲinma la, Alatala si mansaya sabatireŋɛ dii le ile n marige bɔnsɛ ma, bayi ile n marige, i be Alatala le la kɛlɛnu mala. Awa, anu kana fenfen koron lakɔrɔsi i ma.

1 Samiyɛli 27:1

Dauda ka a fɔ a yɛtɛ ma, a ko: «Sayulu si naa n faga le kɔtɛ. Fɛrɛ yo bele n bolo bitugun, fɔ n ni n kun bɔɔ Sayulu bolo n ni taga dogon Filisiti kaanu bata. Wolo si a ma Sayulu si saagi n ɲini koe kɔma Isirayila duge bɛ tɔ. Wo wagate, n bata n kun bɔɔ a bolo.»

1 Samiyɛli 27:7

Dauda ka san dɔndɔ kari naani le ma Filisiti kaanu bata.

1 Samiyɛli 29:6

Akisi ka Dauda kele, a ka a fɔ a ye, a ko: «N bata n kali Alatala la: i telenta. Min di n ɲɛ nun, ile nun n na sɔɔrenu ni taga kɛlɛ tɔ, wo mɛn bɛ ni saagi ɲɔgɔn na sɔɔrenu la daaka tɔ, bayi n bele ko koron yo yenden i la bɔɔla i nata n bata han bi. Kɔnɔ, i ma di kuntigenu kan ye.

1 Samiyɛli 4:6

Filisiti kaanu to ka wo mɔɛ, anu ka a fɔ: «Bɔ, fen sɔnkɔ belebele kan be yɛlɛla ká Heburenu la daaka tɔ?» Anu nata lɔn sɔtɔ a ma ka a fɔla Alatala la seedeɲɔgɔya kankira le be naren Isirayila kaanu la daaka tɔ.