1 Samiyɛli 26:10 - Ala la kitabuenu Mɔgɔfin kuma tɔ

¹⁰ Dauda mɛn ka a fɔ: «Alatala be ɲɔ! Alatala le dɔrɔn si nɔ a fagala. A la lɔ́gɛ́ tini ke a si faga le, ka wo ma, a ni taga faga kɛlɛ do tɔ.

1 Samiyɛli 26:10 ပူးပေါင်းရင်းမြစ်များ

Ko fɔlɔfɔlɛ 47:29

A faga tɛmuɛ to bata sutuya, a ka a la den Yusufu kele, a ka a fɔ a ye: «Ka i be diren hinnɛnteya mala n ɲɛ, n bata i táran i ni i bole lasori n wote kɔtɔ, i ni i lakali n ɲɛ. I ni telen n ɲɛ kanunteya la. N bata i táran i kana n mandi Misira duge tɔ.

Luki 18:7

Ala kan go? A te anu la tɔɲa dii a la mɔgɔ masubɛreŋɛnu ma ba, minnu be anu kulɛ labɔɔla a ma, sue nun tele? A si mɛ anu dɛmanna ba?

1 Samiyɛli 24:12

N baaba, i ɲa sɔ yan na, i la burumuse sɔngɔnden de be n bolo ka. N ka i la burumuse sɔngɔnden pɛti le kuntu, kɔnɔ n ma i faga. I bata a yen, n ma di ko koroŋɛ mala i la, n ma murutɛ i ma. I bata a yen, n ma hakkɛ yo sɔtɔ i la. Ile le be n ɲinila kan bɛ i ni n na ko ladufen.

1 Samiyɛli 24:15

Isirayila la mansa, i be bɔɔren ɲɔmɔ le digii ma? I be ɲɔmɔ le jokkiren i ni a ɲagankata? N bele maren fenfen na, fɔ min be toren iko wulu fagareŋɛ, ka wo ma koote.

1 Samiyɛli 25:26

Awa, n bata n kali Alatala la, anun ile tugun na ko la, n ko Alatala le be i latangaren nii bɔɔ koe ma ka, a ni i la kise mabanban. Ala mu a mala, i jaguenu, minnu be diren ko koroŋɛ mala ile n marige la, wonu bɛ ni to iko Nabali.

1 Samiyɛli 25:38

Fayida tele tan tanbi kɔma, Alatala ka Nabali garin a fagata.

1 Samiyɛli 25:39

Dauda to ka Nabali faga koe mɔɛ, a ka a fɔ: «Tantue be Alatala ye, min be n kunma kɛlɛ maren n na maluya la ko la Nabali ka min tabɛn n ma, Alatala min be nde a la jondeŋɛ lakisiren koronya ma. Alatala bata Nabali la koronya lasaagi a ma.» Dauda ka kiilanu kii anu ni taga a fɔ Abigayili ye a ni ma a la muse la.

1 Samiyɛli 31:4

Wo butɔ, a ka a fɔ a la kɛlɛ mafeŋɛnu mayadɛlá ye, a ko: «I la faŋɛ futin a laa tɔ, i ni n sɔgɔ, alako kɛ bilakorenu kana na anu ni n ɲagankata ka n faga mamayoe tɔ.» Kɔnɔ a la kɛlɛ mafeŋɛnu mayadɛlá ma sɔn, a kilanta a mala. Sayulu ka faŋɛ jigan, a ka a lasɔ, a ka a yɛtɛ laboe faŋɛ suŋɛ ma sɛnbɛ la.

1 Samiyɛli 31:6

Sayulu fagata ɲɔgɔnna le, ale nun a la den kayiren sabanu anun a la kɛlɛ mafeŋɛ mayadɛlá, anun a kɛnnasɔlanu bɛ wo lun dɔndɛ.