1 Samiyɛli 25:7 - Ala la kitabuenu Mɔgɔfin kuma tɔ

⁷ Dauda ko aa a be a mɔɛren de, saaka ti matɛgɛlanu be walila i dula. Adun, mɔ nun i la kolofen kantalanu le mu nun. Anu ka wagate min bɛ ma Karimɛli, mɔ ma ko koron yo ma anu la, mɔ ma fondo bɔɔ anu bolo.

1 Samiyɛli 25:7 ပူးပေါင်းရင်းမြစ်များ

Luki 3:14

Sɔɔre donu tugun nata a maɲininka, anu ko: «Mɔle go? Mɔ bɛnta fen mala?» A ka anu jaabi, a ko: «Wo kana mɔgɔ yo bolofeŋɛ bita nɔɛ la anun mamafuya la. Wo ni wo wasadon wo la sɔŋɛ ma.»

Filipi 2:15

alako saniyaŋɛ ni to wo ye, kɔnɔ yo kana to wo ma. Wo butɔ, wo ni ma Ala la den ɲinmanu la, kɛ dunuya mɔgɔ koroŋɛ telenbalenu ɲaama. Wo mɛn ni malan iko loolenu be malanna ki min na dibe tɔ,

Filipi 4:8

N nɛɛnɛdɔndɛnu, n na kuma tɔɛ le ka. Wo ni wo hakkile to kɛ koenu ma: koe min yo mu tɔɲa la, min yo mu sɔɔbɛ la, min yo be telenden, koe min yo saniyanta, min yo diyata Ala ye, min yo kaɲin, biliya nun mamatɔgɛ be sɔtɔla min bɛ ma koe tɔ. Wo ni wo hakkile sigi wo koenu le bɛ ma.

1 Samiyɛli 22:2

Minnu bɛ be kɔntɔfiliren, dɔntɛ siyata minnu bɛ kunma, anun minnu bɛ be jusu makasa tɔ, wonu bɛ madɛnta a dula, a mata anu la kuŋɛ la. Wo butɔ, fayida kayi mɔgɔ kɛmɛ naani le tota a fɛ.

1 Samiyɛli 25:21

Wo ka a taran, Dauda bata a fɔ nun a yɛtɛ ma, a ko: «Yaga, kɛ kayi la kolofeŋɛnu kunmagaga mata n ɲɛ fufafu le la. Adun, a bolofeŋɛ min bɛ be a bolo janfue tɔ, fenfen ma bɔɔ a la. A ka n na wali ɲinma sɔŋɛ dii n ma a koroŋɛ la.