1 Samiyɛli 24:9 - Ala la kitabuenu Mɔgɔfin kuma tɔ

⁹ Wo tanbi kɔma, Dauda wulita, a bɔɔta fanmɛ tɔ, a bakkuta belebelela Sayulu kɔma: «N na mansa! Heee, n tige!» Sayulu ka a kɔma tafɛlɛ, Dauda butinta, a ka a majigi han a ka a tindɛ sɔ duge tɔ.

1 Samiyɛli 24:9 ပူးပေါင်းရင်းမြစ်များ

Lewi bɔnsɛnu la sariya 19:16

Wo kana tagaman wo kafuɲɔgɛ tɔgɔtiɲa koe la. Wo kana wo filaɲɔgɛ tɔɲɛgɛ ka foniya sa a kunma, alako a ni faga. Nde le mu Alatala la.

Yaguba 3:6

Nɛŋɛ tugun mu ta le la, dunuya ko koroŋɛ bɛ be bɔɔla min tɔ. A la wale sabu le be bale bɛ manɔgɔla ko koroŋɛ la. Mɔgɛ nɛŋɛ si nɔ le ta sala a la dunuya takunte butɔ, bayi nɛŋɛ mu ta le la, ta min be bɔɔla jahannama.

1 Samiyɛli 20:1

Dauda borita ka bɔɔ Nayɔti, dula min be Rama saa tɔ. A tagata Yonatan bata, a ka a maɲininka, a ko: «N be fen de maren? N na tiɲare mu fen de la? N ka fen de ma i baaba la, a to be diren n nɛɛ bɔɔla?»

1 Samiyɛli 20:41

Dendeŋɛ to tagata, Dauda wulita, a bɔɔta a dogondula tɔ kure kɔma, a ka a ɲakɔtɔ majigi duge mafanna han a ka a tindɛ sɔ duge tɔ kunɲama saba. Kanuntema filanu naata milimili ɲɔgɔn ma, anu dita, a gbengbeŋɛ Dauda.

1 Samiyɛli 24:10

Dauda ka a fɔ Sayulu ye, a ko: «I be i tolomasɔla mɔgɛnu la kumanu la fenna, minnu be a fɔla i ye, aa n be diren ko koroŋɛ le mala i la?

1 Samiyɛli 24:8

Dauda ka a la mɔgɛnu ladan wo kuma le la, anu ma anu bole maga Sayulu la. Sayulu wulita a bɔɔta fanmɛ butɔ, a ka a la kila bita.

1 Samiyɛli 26:18

A mɛn ka a fɔ, a ko: «Marige be sɔren a la joŋɛ kɔma fenna a ni a faga? N be fen de maren? Sɔn koron miniman de be n na?

1 Samiyɛli 26:19

Awa n marige mansa Sayulu, i tolomasɔ i la joŋɛ kulɛ la: Ka Alatala le be i juse layɛlɛla n ma, awa, sarika ni bɔɔ a ye, min si diya a ye. Kɔnɔ ka adamadeŋɛnu le, Alatala ni anu danka, bayi anu be n beela le bi, n ni bɔɔ Alatala la duge tɔ a ka min dii a la jama ma, anu ko aa n ni taga ala gbɛtɛnu batudula.