1 Samiyɛli 23:6 - Ala la kitabuenu Mɔgɔfin kuma tɔ

⁶ Ahimelɛki la den Abiyatari min borita Sayulu la, wolo tugun naata to Dauda kɛnna Keyila saa tɔ ɲɔ, wo ka a taran a be Ala sago lɔn koe feŋɛnu bitaren a bole la.

1 Samiyɛli 23:6 ပူးပေါင်းရင်းမြစ်များ

Hɔrɔya 28:6

Anu si doroki kunmanɛŋɛ bolobɔnɛ ɲiɲa le sanu gese la, anun gese bululama, a dubalamanɛŋɛ, anun a wulenma la, nun tasɔgɛ kuta la. A ni ma bolo laɲɛɲilá ɲinma la wale yati la.

1 Samiyɛli 14:18

Wo butɔ, Sayulu ka a fɔ Ahiya ye, a ko: «Ala la seedeɲɔgɔya kankira madon.» Bayi wo lun, Ala la lahiri seedeɲɔgɔya kankira be nun Isirayila kaanu la daaka tɔ.

1 Samiyɛli 14:3

Alatala la sarika lakelá tugun be Sayulu kɛnna, wo tɔgɔ le Ahiya. A be Ala sago lɔn koe feŋɛnu donila a fɛ. Ahiya baaba le mu Ahitubu la, min dɔgɛ mu Ikabodi la. Ahiya mankayi le mu Finehasi la, a tolobita le be tabɛnden Eli ma, min be maren sarika lakelá la nun Alatala ye Silo. Mɔgɔ yo ma a lɔn, ka a fɔla Yonatan bata taga nun.

1 Samiyɛli 22:20

Kɔnɔ Abiyatari Ahitubu mamareŋɛ kan, Ahimelɛki la deŋɛ, wo dɔrɔn de ka a kun bɔɔ. A borita, a ka Dauda jokki.

1 Samiyɛli 23:2

Dauda ka Alatala maɲininka, a ko: «Ka n tagata, n si nɔ le Filisiti kaanu la ba?» Alatala ka a jaabi, a ko: «Taga, i si Filisiti kaanu botege le, i mɛn si Keyila saa lakisi le.»

1 Samiyɛli 23:5

Dauda nun a la jama tagata Keyila. Anu ka Filisiti kaanu kɛlɛ, anu ka anu la kolofeŋɛnu jigan, anu ka anu kasara a banba la. Wo butɔ, Dauda ka Keyila kaanu lakisi.

1 Samiyɛli 23:7

Anu tagata a fɔ Sayulu ye, aa Dauda bata don Keyila. Sayulu ka a fɔ: «Ala bata a sa n bole tɔ. A to bata don saa tattareŋɛ butɔ min dondulanu be balanden, wo butɔ a bata a yɛtɛ balan ɲɔ, a te nɔ bɔɔla bitugun.»

1 Samiyɛli 23:9

Dauda ka Sayulu la ko koroŋɛ yen a be min kun sɔren a la. A ka a fɔ Abiyatari sarika lakelá ye, a ni Ala sago lɔn koe feŋɛnu nati.

1 Samiyɛli 30:7

A ka a fɔ Ahimelɛki la den kayireŋɛ Abiyatari sarika lakelá ye, a ko: «Ala sago lɔn koe feŋɛnu nati.» Abiyatari ka wo nati Dauda ye.