1 Samiyɛli 21:12 - Ala la kitabuenu Mɔgɔfin kuma tɔ

¹² Akisi la walilanu ka a fɔ a ye: «Dauda Isirayila dugu mansa ma kɛ la ba? Musenu bele dɔŋɛ dɔnna kɛ-lɛ ye ba, anu tota a fɔla sige tɔ aa Sayulu bata mɔgɔ wulu wulu botege, ale Dauda kan bata mɔgɔ wulu tan tan de botege?»

1 Samiyɛli 21:12 ပူးပေါင်းရင်းမြစ်များ

Ko fɔlɔfɔlɛ 26:7

Ɲɔ mɔgɛnu ka Isiyaka maɲininka a la muse la ko la, a ka a fɔ a ko a dɔgɔ musuma le. A ma suusɛ a fɔla anu ye a la muse le mu Rebeka la, a be kilanden ɲɔ mɔgɛnu kana a faga a la muse la ko la, bayi a kɛɲa bɛnta.

Luki 2:19

Mariyama kan be kɛ kumanu bɛ mandiren a juse tɔ, a tota a mirala a hakkile tɔ.

Luki 2:51

Wo kɔma, a nun a tigenu jigita Nasarɛti. A be anu kulɛ bitaren. A nɛɛnɛ be wo koe bɛ mandiren a juse tɔ.

1 Samiyɛli 18:7

Musenu be sige labitala anu be jelela ɲɔgɔn na, anu be a fɔla ɲɔgɔn ye, anu ko: «Sayulu ka mɔgɔ wulu wulu le botege, kɔnɔ Dauda kan ka mɔgɔ wulu tan tan de botege.»

1 Samiyɛli 21:10

Sarika lakelá ka a fɔ a ye, a ko: «I ka wo Filisiti kaa min faga Ela fole tɔ, min tɔgɔ Jaluta, wo la faŋɛ le be yan. A be mamilinden kuta do butɔ. Ala sago lɔn koe feŋɛnu minnu be mandiren sarika lakelá la doroki banba butɔ, a be saren wonu kɔma. Ka i be diren wo jiganna, a jigan, kɛlɛ mafen gbɛtɛ yo bele yan.» Dauda ka a fɔ: «A don n bolo, a mulunɲɔgɔ yo bele.»

1 Samiyɛli 21:13

Dauda ka wo kumanu to a juse tɔ, a kilanta koola Akisi la, Gati mansa.