Yaguba juse yɛlɛta, a ka kuma dumɛndeŋɛ fɔ Laban ma. A ka a fɔ, a ko: «N be alibalau ko miniman maren, n be hakkɛ ko miniman maren han i ni bɔɔ n ɲinidula kɛ mɔɔle la?
Pilati ka anu maɲininka a kunɲama sabaɲɔgɛ la, a ko: «Fenna? A ka ko koron miniman ma? N ma fenfen yen a la, min si ma a faga sabu la. N si a botege n mɛn ni a boloka.»
Sayulu ka a la tanba fili Dauda ma kisanna a ko: «N be Dauda banbanna kɛ-lɛ la bon koloŋɛ ma!» Kunɲama fila a be katala a ma, kɔnɔ Dauda be bɔɔla a bolo.
Yonatan naata na Dauda kunmafɔ a baaba Sayulu ye. A ko: «Mansa, yandi, i kana junube sɔtɔ i la walilá Dauda la, bayi a bele fenfen maren i la, fɔ a ɲan to be ko ɲinma le tun maren i ye.
A diɲɛta le a nɛɛ ma, a ka wo Filisiti kaa Jaluta faga, Alatala ka Isirayila bɛ lafulen fuleŋɛ banba la. I ka wo yen de, i ɲagalinta. I be diren junube mala fenna i ni mɔgɛ base labɔɔ min bele koko koron maren? I be tɔɲa le tɔ Dauda faga koe la ɲɔgɔnna tun ba?»
Dauda borita ka bɔɔ Nayɔti, dula min be Rama saa tɔ. A tagata Yonatan bata, a ka a maɲininka, a ko: «N be fen de maren? N na tiɲare mu fen de la? N ka fen de ma i baaba la, a to be diren n nɛɛ bɔɔla?»
Ka a ka a fɔ, wo kaɲin, wo be a fɔren de jususa be n ɲɛ, nde i la joŋɛ. Kɔnɔ ka a tagata dumɛn, i si a lɔn wolo la ka a fɔla a be ko koroŋɛ yati le nataren n mafanna.
Ahimelɛki ka kuma jigan, a ko: «Mansa, ɲɔmɔ le ɲan be maren lannanteya mɔgɛ la i la walilanu bɛ tɛma iko Dauda? Ká, i bitaŋɛ le ma a la? A be maren i la gundo sɔɔrenu la kuntige le la, biliya be a ma i la boŋɛ tɔ.