1 Samiyɛli 20:1 - Ala la kitabuenu Mɔgɔfin kuma tɔ

¹ Dauda borita ka bɔɔ Nayɔti, dula min be Rama saa tɔ. A tagata Yonatan bata, a ka a maɲininka, a ko: «N be fen de maren? N na tiɲare mu fen de la? N ka fen de ma i baaba la, a to be diren n nɛɛ bɔɔla?»

1 Samiyɛli 20:1 ပူးပေါင်းရင်းမြစ်များ

1 Samiyɛli 12:3

Awa, nde le mu ka. Wo ni n na ko koroŋɛ seedeɲɔgɔya bɔɔ ba Alatala ɲala, anun a be mansa min masubɛren wo ye. Mɔgɔ miniman be yan, n bata ninge bɔɔ min bolo, ka wo ma sofale? Mɔgɔ miniman be yan n ka min tɔɔrɔ ka fondo bosi a bolo? N ka ɲɔmɔ le lakasara? N ka ji sige kiiti koroŋɛ miniman de sa n ni ko tiɲalá mabutin? Wo a fɔ n ɲɛ ba. Ka n ka wo ma le, n ni a sɔŋɛ lasaagi wo ma.»

1 Samiyɛli 19:1

Sayulu kumata a la den kayireŋɛ Yonatan ye, anun a la walilanu bɛ, aa anu ni Dauda faga. Kɔnɔ, Dauda di Yonatan ye koola.

1 Samiyɛli 19:18

Dauda ka a kun bɔɔ, a borita, a tagata Samiyɛli dula Rama saa tɔ. Sayulu ka min ma a la, a ka a bɛ fɔ a ye. Ale nun Samiyɛli tagata Nayɔti, anu tota ɲɔ.

1 Samiyɛli 20:2

Yonatan ka a jaabi, a ko: «Ade! I te faga. N baaba te fenfen ma a ni to a ma min fɔ n ɲɛ, a mata ko lanma la ba, a mata ko banba la ba. Fenna a si naa kɛ kan dogon n na? A te wo ma!»

1 Samiyɛli 20:32

Yonatan ka a baaba Sayulu jaabi, a ko: «Bɔ, a be fagala fenna? A be fen de maren?»

1 Samiyɛli 24:11

I bata a yen i ɲa la kɔtɛ, bi luŋɛ Alatala bata i sa n sagoe tɔ nun fanmɛ butɔ. A fɔta le n ɲɛ aa n ni i faga, kɔnɔ n ka i to ɲɔ, n mɛn ka a fɔ, n te n bole maga ile n marige la, bayi Alatala le be i masubɛren.

1 Samiyɛli 24:12

N baaba, i ɲa sɔ yan na, i la burumuse sɔngɔnden de be n bolo ka. N ka i la burumuse sɔngɔnden pɛti le kuntu, kɔnɔ n ma i faga. I bata a yen, n ma di ko koroŋɛ mala i la, n ma murutɛ i ma. I bata a yen, n ma hakkɛ yo sɔtɔ i la. Ile le be n ɲinila kan bɛ i ni n na ko ladufen.

1 Samiyɛli 24:17

Dauda to banta wo kumanu fɔla Sayulu ye, Sayulu ka a fɔ, a ko: «N na den Dauda, ile le yati kulɛ mu ka?» Sayulu fɔlɔta dila.

1 Samiyɛli 24:9

Wo tanbi kɔma, Dauda wulita, a bɔɔta fanmɛ tɔ, a bakkuta belebelela Sayulu kɔma: «N na mansa! Heee, n tige!» Sayulu ka a kɔma tafɛlɛ, Dauda butinta, a ka a majigi han a ka a tindɛ sɔ duge tɔ.

1 Samiyɛli 26:18

A mɛn ka a fɔ, a ko: «Marige be sɔren a la joŋɛ kɔma fenna a ni a faga? N be fen de maren? Sɔn koron miniman de be n na?