1 Samiyɛli 2:35 - Ala la kitabuenu Mɔgɔfin kuma tɔ

³⁵ N si naa sarika lakelá do sɔ min mu lannanteya mɔgɛ la, min be n diyanankoe nun n sagona koe bɛ mala. N si bɔnsɔ sabatireŋɛ dii le a ma, a si tagaman de wagate bɛ mansa ɲala n be naala min masubɛla.

1 Samiyɛli 2:35 ပူးပေါင်းရင်းမြစ်များ

Hɔrɔya 1:21

Den nabitala musenu to kilanta Ala la, Ala tugun ka anu kɔ deŋɛnu la.

1 Samiyɛli 10:10

Anu be donna Gibeya saa tɔ yo, nabiyonmɛ kuruŋɛnu le mu ka, minnu be naren a labɛndula. Ala ka a Hakkile lajigi Sayulu ma, Sayulu tugun ka Ala la kiila lake anu tɛma.

1 Samiyɛli 10:9

Sayulu ka a kɔ sɔ Samiyɛli la anu ni fatan. Anu la fatandeŋɛ tun, Ala ka Sayulu ma mɔgɔ gbɛtɛ la. Wo tɔnkumanu bɛ mata a ye wo lun dɔndɛ le.

1 Samiyɛli 12:3

Awa, nde le mu ka. Wo ni n na ko koroŋɛ seedeɲɔgɔya bɔɔ ba Alatala ɲala, anun a be mansa min masubɛren wo ye. Mɔgɔ miniman be yan, n bata ninge bɔɔ min bolo, ka wo ma sofale? Mɔgɔ miniman be yan n ka min tɔɔrɔ ka fondo bosi a bolo? N ka ɲɔmɔ le lakasara? N ka ji sige kiiti koroŋɛ miniman de sa n ni ko tiɲalá mabutin? Wo a fɔ n ɲɛ ba. Ka n ka wo ma le, n ni a sɔŋɛ lasaagi wo ma.»

1 Samiyɛli 16:13

Wo butɔ, Samiyɛli ka a la bina jigan min be lafaren tule la, a ka a bɔn Dauda kuŋɛ tɔ a kɔtɔnu bɛ ɲala. Ala Hakkili saniyandeŋɛ jigita Dauda ma, bɔɔla wo lun, a nun wolo tota. Wo kɔma, Samiyɛli bɔɔta ɲɔ, a saagita a bata Rama.

1 Samiyɛli 2:36

Min bɛ be nala tola i bɔnsɛ tɔ, anu si naa anu majigi a kɛn kɔtɔ, alako anu ni dalasi dɔndɔ sɔtɔ, ka wo ma, dɛgɛ kunte, anu ni a fɔ a ye: ‹Hɔrɔma dingira wali dula do taaku n na, alako n ni n balue sɔtɔ.››»

1 Samiyɛli 25:28

Yandi diɲa i la jon muse la tantaŋɛ ma! N ka a lɔn a ɲinma la, Alatala si mansaya sabatireŋɛ dii le ile n marige bɔnsɛ ma, bayi ile n marige, i be Alatala le la kɛlɛnu mala. Awa, anu kana fenfen koron lakɔrɔsi i ma.

1 Samiyɛli 3:1

Wo wagate, Samiyɛli kamarendeŋɛ be Alatala la wale mala Eli bolo. Alatala la kuma koe mɔgɛ la, a ma siya nun. Ko yendeŋɛnu iko kiboe wonu tugun ma siya.

1 Samiyɛli 7:9

Wo butɔ, Samiyɛli ka saaka den dɔndɔ jigan, a ka a bɛ bintan Alatala ye sarika la. A ka a kulɛ labɔɔ Alatala ma Isirayila la ko la, Alatala ka a la tarile jigan.

1 Samiyɛli 8:3

Kɔnɔ Samiyɛli la den kayireŋɛnu ma tagaman iko ale, anu sɔta anu la munanfaŋɛ le kɔma. Mɔgɛnu tota je sigila anu ye, ka kiite laɲɛngɛn.

1 Samiyɛli 9:12

Den musereŋɛnu ka anu jaabi, anu ko: «Iyon, ale le be wo ɲatɔ wo la ká. Kɔnɔ wo teriya de, bayi a be naren mɔ la saa tɔ bi, jama be sarika banba do bɔɔla tenteŋɛ tɔ.

1 Samiyɛli 9:13

Wo tini don saa butɔ kɔtɛ, wo si a taran de ɲɔ yannun a ni yɛlɛ wo tenteŋɛ tɔ a daɲinidula, bayi jama te a daɲini a kɔma, fɔ a tini na a ni duba sarika ma. Wo tini bɔɔ a la, jɔnɔn mɔgɛnu minnu be keleren sarika tɔ, anu ni naa anu daɲini. Wo yɛlɛ teriya la saa tɔ, wo si a taran de ɲɔ kɛ wagate.»