1 Samiyɛli 18:10 - Ala la kitabuenu Mɔgɔfin kuma tɔ

¹⁰ Wo tabantaka, Ala ka hakkili koroŋɛ lajigi Sayulu ma, a fɔlɔta miligimalagala a la boŋɛ butɔ, tanba be bitaren a bole tɔ. Wo ka a taran Dauda kan be tolonna a ye a la kɔra la, iko a darita a la ki min na wagate bɛ.

1 Samiyɛli 18:10 ပူးပေါင်းရင်းမြစ်များ

Kiilanu 16:16

Lun do, mɔ be tagala Ala batudula, mɔ nun jonden musereŋɛ do bɛnta; fɛrili ma jinna be a bolo, a be tɔnɔ banba sɔtɔla a marigenu ye fɛrili ma butɔ.

2 Tesaloniki 2:11

Wo butɔ, Ala si anu hakkile ɲatadon de koola, alako anu ni laa foniya la.

1 Samiyɛli 16:23

Wo hakkili koroŋɛ min be fatanna Ala la, a tini na Sayulu ma tun, Dauda ni a la kɔra jigan a ni a botege. Sayulu juse ni diya a ye, a juse ni sa, wo hakkili koroŋɛ ni bɔɔ a ma betunna.

1 Samiyɛli 18:9

Bɔɔla wo lun dɔndɛ tanbi kɔma, Sayulu ka a ɲa koroŋɛ sɔ Dauda la.

1 Samiyɛli 19:10

Sayulu ka a la tanba fili Dauda ma, a katata a ni a banban bon koloŋɛ ma. Dauda bɔɔta a kɔtɔ, Sayulu la tanba banbanta bon koloŋɛ ma. Dauda borita, a ka a kun bɔɔ faga bolo wo sue tɔ.

1 Samiyɛli 19:7

Wo kɔma, Yonatan ka Dauda kele a ka wo kumanu bɛ ɲamakaran a ye. A ka Dauda doni Sayulu dula, Dauda mɛn ka a la wali kɔtɛ bita, a fɔlɛ be min mala nun Sayulu bolo.

1 Samiyɛli 19:9

Wo butɔ, wo hakkili koroŋɛ min be fatanden Alatala la, a mɛn tanata Sayulu ma. Sayulu be sigiren a bata, tanba be bitaren a bolo. Wo ka a taran, Dauda be a la kɔra botegela.

1 Samiyɛli 26:19

Awa n marige mansa Sayulu, i tolomasɔ i la joŋɛ kulɛ la: Ka Alatala le be i juse layɛlɛla n ma, awa, sarika ni bɔɔ a ye, min si diya a ye. Kɔnɔ ka adamadeŋɛnu le, Alatala ni anu danka, bayi anu be n beela le bi, n ni bɔɔ Alatala la duge tɔ a ka min dii a la jama ma, anu ko aa n ni taga ala gbɛtɛnu batudula.