1 Samiyɛli 17:28 - Ala la kitabuenu Mɔgɔfin kuma tɔ

²⁸ A kɔtɔ kinama Eliyabu ka Dauda kulɛ mɔɛ kumala wo mɔgɛnu ye, a dumɛnta a ma, a ko: «I be jigiren yan fenna? Wo kolofen wɔɔrɛ lanma go, i be a toren ɲɔmɔ le bolo janfue tɔ? Da takoloya nun mira koroŋɛ min be i juse tɔ, n ka wo lɔn go! I be naren de tun alako i ni kɛlɛ fɛlɛ.»

1 Samiyɛli 17:28 ပူးပေါင်းရင်းမြစ်များ

Ko fɔlɔfɔlɛ 37:11

A kɔtɔnu ka a bɛsɛnkɔnnɛya, kɔnɔ a baaba kan be a hakkile toren a la kiboenu ma.

Ko fɔlɔfɔlɛ 37:4

Yusufu kɔtɔnu to ka a yen anu baaba fisa ale len nadiyala anu bɛ ko, anu ka a lasɛɛya, kuma ɲinma bele anu tɛma bitugun.

Ko fɔlɔfɔlɛ 37:8

A kɔtɔnu ka a maɲininka, anu ko: «Bɔ i be diren mala mɔ la mansa le la, i ni to mɔ yamɔrila ba?» Anu ka a kɔn a fisayata fɔlɔnɛŋɛ ko a la kiboenu la ko sabu la anun a la kumanu.

1 Samiyɛli 16:13

Wo butɔ, Samiyɛli ka a la bina jigan min be lafaren tule la, a ka a bɔn Dauda kuŋɛ tɔ a kɔtɔnu bɛ ɲala. Ala Hakkili saniyandeŋɛ jigita Dauda ma, bɔɔla wo lun, a nun wolo tota. Wo kɔma, Samiyɛli bɔɔta ɲɔ, a saagita a bata Rama.

1 Samiyɛli 16:7

Kɔnɔ, Alatala ka a fɔ Samiyɛli ye: «I kana a bale le fɛlɛ de, ka wo ma a la kayanya. Bayi nde bele ale le masubɛren. Nde la mamasubɛ bele toren de iko mɔgɛnu. Mɔgɛnu ɲa be min yenden, anu be wolo makiitila. Alatala kan ɲa be sɔren mɔgɛ juse le la.»

1 Samiyɛli 17:29

Dauda ka a fɔ: «Bɔ, n be fen de koron maren? Ká, n ma ɲininkare le tun ma?»