1 Samiyɛli 17:1 - Ala la kitabuenu Mɔgɔfin kuma tɔ

¹ Filisiti kaanu ka anu la kɛlɛ malanu madɛn kɛlɛ ma koe la. Anu tagata kunbɛn Soko, Juda duge tɔ, anu ka anu la daaka ɲiɲa Efesi-Damimu, dula min be Soko nun Aseka tɛma.

1 Samiyɛli 17:1 ပူးပေါင်းရင်းမြစ်များ

1 Samiyɛli 13:5

Filisiti kaanu madɛnta Isirayila kɛlɛ koe la. Sarɛti kɛlɛ mafeŋɛ wulu bi saba le be anu bolo nun, soo tige kɛlɛ malanu mɔgɔ wulu wɔɔrɔ. Wo jama siyata iko mɛɲɛn kole minnu be ba dala. Anu nata daaka Mikimasi, Beti-Aweni tele bɔɛ tɔ.

1 Samiyɛli 14:46

Sayulu ka Filisiti kaanu bee koe dan, wo kɔma a tasaagita a bata. Filisiti kaanu tugun tagata anu bata.

1 Samiyɛli 14:52

Sayulu la simaya bɛ butɔ, a nun Filisiti kaanu be fɔrɔntiŋɛ le tun tɔ nun. Sayulu tini mɔgɔ yo yen min sɛnbɛ kolo, a suusɛta, a be wo tigi ladonna le a la galideŋɛnu ɲaama.

1 Samiyɛli 7:7

Filisiti kaanu ka a mɔɛ aa Isirayila kaanu bata madɛn Misipa. Wo butɔ, Filisiti kaanu nun anu la kuntigenu tagata Isirayila kaanu kɛlɛdula. Isirayila kaanu ka wo koe mɔɛ, anu kilanta Filisiti kaanu la.