1 Samiyɛli 16:1 - Ala la kitabuenu Mɔgɔfin kuma tɔ

¹ Alatala ka a fɔ Samiyɛli ye, a ko: «I be suunula Sayulu la ko la han muntuma? Nde bata a aɲɛ, a te ma Isirayila mansa la bitugun. Kɔtɛ, i la bina lafa tule la, i ni taga Betilɛmu, n be i kiila Jese le bata, bayi n bata mansa masubɛ a la den kayireŋɛnu tɛma.»

1 Samiyɛli 16:1 ပူးပေါင်းရင်းမြစ်များ

1 Samiyɛli 10:1

Samiyɛli ka tulu bitira lanma dɔndɔ jigan, a ka a bɔn Sayulu kuŋɛ ma. A ka a sunbu, a ka a fɔ a ye, a ko: «Alatala bata i masubɛ i ni ma a la jama latagamanná la.

1 Samiyɛli 15:11

«N be nimisaren de bi Sayulu ma koe la mansa la, bayi a bata a kɔ sɔ n na, a bele n kumari kulɛ jokkiren bitugun.» Samiyɛli dumɛnta, a belebeleta Alatala la sue bɛ.

1 Samiyɛli 15:23

Ala kulɛ sɔsɔ koe nun fɛrili ma koe bɛ si kan. Kantabɛlɛya nun kuye batue bɛ si kan. Awa, bayi i bata Alatala la kuma aɲɛ, ale tugun bata i aɲɛ, i bele maren mansa la bitugun a la jama kunma.»

1 Samiyɛli 15:26

Samiyɛli ka a fɔ Sayulu ye, a ko: «N bele sɔnden tagala i ma mɔ ni taga ɲɔgɔn na, bayi i bata Alatala la kuma aɲɛ. Wolo mu Alatala tugun bata i aɲɛ, alako i te ma mansa la bitugun Isirayila jama kunma.»

1 Samiyɛli 15:35

Samiyɛli ma Sayulu yen bitugun han a faga luŋɛ. Samiyɛli tota Sayulu la ko suunɛ le tɔ, bayi Alatala bata nimisa nun Sayulu ma koe la mansa la Isirayila.

1 Samiyɛli 16:15

Sayulu la walilanu ka a fɔ a ye: «Hakkili koroŋɛ le be i mafula ka, min be fatanden Ala la.

1 Samiyɛli 16:23

Wo hakkili koroŋɛ min be fatanna Ala la, a tini na Sayulu ma tun, Dauda ni a la kɔra jigan a ni a botege. Sayulu juse ni diya a ye, a juse ni sa, wo hakkili koroŋɛ ni bɔɔ a ma betunna.

1 Samiyɛli 17:12

Efarata kaa min tɔgɔ Jese, wo la deŋɛ le mu Dauda la. Jese be sabatiren Betilɛmu saa tɔ le, Juda duge tɔ. Den kayiren mɔgɔ sagin de be a bolo. Sayulu la wagate ka a taran de, kayiba do le mu a la ɲɔ kaanu tɛma.

1 Samiyɛli 9:16

«Sinan kɛ wagate, n si mɔgɔ do lasanba i ma, min be bɔɔla Bunyamin bɔnsɛ la duge tɔ. I ni tule bɔn wo tigi kuŋɛ tɔ a yita koe la a bata ma n na Isirayila jama latagamanná la. A si n na jama lakisi le Filisiti kaanu bolo, bayi n bata n hakkili to n na jama ma, anu diri kulɛ bata na han a bata n taran.»