1 Samiyɛli 15:23 - Ala la kitabuenu Mɔgɔfin kuma tɔ

²³ Ala kulɛ sɔsɔ koe nun fɛrili ma koe bɛ si kan. Kantabɛlɛya nun kuye batue bɛ si kan. Awa, bayi i bata Alatala la kuma aɲɛ, ale tugun bata i aɲɛ, i bele maren mansa la bitugun a la jama kunma.»

1 Samiyɛli 15:23 ပူးပေါင်းရင်းမြစ်များ

Ko fɔlɔfɔlɛ 31:19

Laban be tagaren a la kolofeŋɛnu te matɛgɛ dula anu ma tɛmuɛ min tɔ, a la den Rakeli ka a la bon kantaran kuyenu kanka.

Ko fɔlɔfɔlɛ 31:34

Kɔnɔ Rakeli le ka a baaba la kuyenu kanka. A ka anu dogon ɲɔgɔmɛ sigifeŋɛ kɔtɔ. A sigita a kunma. Laban ka tanta butɔ bɛ fɛlɛ a ma fenfen yen.

Hɔrɔya 22:18

Mɔgɔ yo tini sa kolofeŋɛ fɛ, wo be a fagala le.

Lewi bɔnsɛnu la sariya 20:27

Kaye ka wo ma muse min be ɲana lakumala, ka wo ma a ni ma fɛrili malá la, wo ni a mabun tekku kure la han a ni faga. Wo butɔ, a la faga sabue be fatanden ale yɛtɛ le la.»

Lewi bɔnsɛnu la sariya 20:6

Ka mɔgɔ do ka n janfa a sɔta fɛrili malanu kɔma, anun mɔgɛ min be ɲana lakumala, n ni n ɲamatelen wo tigi ma, n ni a bee a la jama tɛma.

Kiilanu 13:22

A to ka Sɔlu bɔɔ mansaya tɔ, a ka Dauda sɔ mansa la anu ye. A ka a la ko fɔ, a ko: ‹N bata Jese la den kayiren Dauda yen, kaye le min be n hɛnɛren; a si n sagona koe bɛ lakamali le.›

1 Samiyɛli 13:14

kɔnɔ kɔtɛ, i la mansaya te sabati bitugun. Alatala bata mɔgɔ do masubɛ a be diren min ye, a ni wo tigi ma a la jama latagamanná la, bayi i bele i hakkile toren yamɔre ma, a ka min don i bolo.»

1 Samiyɛli 16:1

Alatala ka a fɔ Samiyɛli ye, a ko: «I be suunula Sayulu la ko la han muntuma? Nde bata a aɲɛ, a te ma Isirayila mansa la bitugun. Kɔtɛ, i la bina lafa tule la, i ni taga Betilɛmu, n be i kiila Jese le bata, bayi n bata mansa masubɛ a la den kayireŋɛnu tɛma.»

1 Samiyɛli 2:30

Alatala la kuma fɔreŋɛ le kɛ la, bani Isirayila Marige Ala: ‹Tɔɲa le, nde le ka a fɔ nun, i la fɔgɛ nun i benba la fɔgɔ da mɔgɛ bɛ be tola n na wale le tɔ nun kudai. Kɔnɔ kɔtɛ, n bata wo lahire bɔɔ a tɔ feu. Bayi n be mɔgɛ le biliyala min ka n biliya, kɔnɔ minnu be n fɛɛyala, n be maluya le dusula wonu kunma.

1 Samiyɛli 28:3

Samiyɛli dun bata faga nun, Isirayila kaanu bɛ ka a la faga koe suunɛ ma, anu ka a baadɛ Rama, a la saa tɔ. Kɔnɔ, Sayulu dun bata ɲana lakuma koe nun fɛrili ma koe bɛ ladan Isirayila duge bɛ tɔ.