1 Samiyɛli 15:11 - Ala la kitabuenu Mɔgɔfin kuma tɔ

¹¹ «N be nimisaren de bi Sayulu ma koe la mansa la, bayi a bata a kɔ sɔ n na, a bele n kumari kulɛ jokkiren bitugun.» Samiyɛli dumɛnta, a belebeleta Alatala la sue bɛ.

1 Samiyɛli 15:11 ပူးပေါင်းရင်းမြစ်များ

Ko fɔlɔfɔlɛ 6:6

Alatala nimisata adamadeŋɛ da koe la duge kunma. Wo ka a juse tɔɔrɔ han.

Ko fɔlɔfɔlɛ 6:7

Alatala ka a hanige, a ko: «N ka mɔgɛ minnu da, n si wonu bɛ halagi le anu ni ban duge kunma. Mɔgɛnu yo, bubufeŋɛnu yo, kolofeŋɛnu yo, kondeŋɛnu minnu be kantɔ yo, a bɛ si halagi, bayi n bata nimisa anu da koe la.»

Hɔrɔya 32:11

Kɔnɔ Musa ka Alatala madiya, a la Ala, a ko: «Alatala, fen de be a maren i la dumɛ sɛnbɛ be koloyaren i la jama ma, i ka min nabɔɔ Misira duge tɔ, i sɛnbɛ banba la nun i la nɔɛ bɛ la?

Hɔrɔya 32:14

Wo butɔ, Alatala diɲata ko koroŋɛ ma koe la a be diren min mala a la jama la.

Yunusa 3:10

Ala ka anu la kata yen anu la kila koroŋɛ boloka koe la. A be ɲagankata min nataren nun anu halagi koe la, a ka a masara; a ma a ma bitugun.

Yunusa 4:2

A ka Alatala mataran, a ko: «Ah! Alatala, n ka a lɔn de i mu Ala hinnɛnte le la, i mu kinikininte le la, i te dumɛn teriya la, i la kanunteya sɛnbɛ kolo, i mɛn si i la nata masara ɲagankata ma koe la. N to be n na jamanɛ tɔ nun, n ka wolo fɔ. Wolo ka a ma n borita teriya la tagala Taarisi.

Luki 6:12

Wo lanuma, Isa bɔɔta, a tagata kɔnkɛ tɔ, Ala matarandula, a ka sue bɛ ban mamataraŋɛ la.

1 Samiyɛli 12:23

Nde tugun, n te sɔn feu junube sɔtɔla Alatala la a mataran baliya la wo ye. N si to wo karanna ko ɲinma nun kila telendeŋɛ le la.

1 Samiyɛli 13:13

Samiyɛli ka a fɔ Sayulu ye, «I bata hakkilibɔnɔya wale ma. I Marige Alatala ka i yamɔri i ni koe min ma, i ma a labatu. Alatala be i la mansaya lasabatila le nun Isirayila kunma kudai,

1 Samiyɛli 15:10

Wo butɔ, Alatala ka kɛ kuma le fɔ Samiyɛli ye, a ko:

1 Samiyɛli 15:3

Kɔtɛ, taga, i ni anu kɛlɛ, ka anu tugunsan, i kana fenfen to min mu anu tɛŋɛ la, i kana fenfen to a nɛ la. Muse nun kaye, dendeŋɛ nun bɔɔbɛ, ninge nun saaka, ɲɔgɔmɛ nun sofale, wo ni a bɛ faga.›»

1 Samiyɛli 15:35

Samiyɛli ma Sayulu yen bitugun han a faga luŋɛ. Samiyɛli tota Sayulu la ko suunɛ le tɔ, bayi Alatala bata nimisa nun Sayulu ma koe la mansa la Isirayila.

1 Samiyɛli 15:9

Kɔnɔ, Sayulu nun a la jama bɛ ka Agagi to a nɛ la. Kolofen bɔrɔgɛreŋɛnu minnu be kolofen banbanu nun a lanmanu ɲaama, anu ma wonu tugun faga. Hali minnu la ɲinmaya ma ke wo doenu la, anu ka wo bɛ to le ɲɔ. Kolofeŋɛ min bɛ munanfaŋɛ be, anu ma sɔn anu fagala. Anu ka anu la fondo koroŋɛnu le kan tugunsan, anun min bɛ sɔdula bele.

1 Samiyɛli 16:1

Alatala ka a fɔ Samiyɛli ye, a ko: «I be suunula Sayulu la ko la han muntuma? Nde bata a aɲɛ, a te ma Isirayila mansa la bitugun. Kɔtɛ, i la bina lafa tule la, i ni taga Betilɛmu, n be i kiila Jese le bata, bayi n bata mansa masubɛ a la den kayireŋɛnu tɛma.»

1 Samiyɛli 8:6

A fɔ koe, «mansa don mɔ bolo, ale ni ma mɔ la kuntige la», a bele diyaren Samiyɛli kan ye. Wo butɔ, a ka Alatala mataran.