1 Samiyɛli 14:6 - Ala la kitabuenu Mɔgɔfin kuma tɔ

⁶ Yonatan ka a fɔ a la kamareŋɛ ye, min be kɛnɛ a la kɛlɛmafeŋɛnu mayadɛla a ye, a ko: «Mɔ ma ba han kɛ bilakorenu be daakaren ka min na. Tumado Alatala si kɛnu lajarabi le mɔ ye, bayi Alatala si nɔ malakise mala mɔgɛ donden sabu la, iko a mɛn to si nɔ a mala mɔgɔ siyama sabu la.»

1 Samiyɛli 14:6 ပူးပေါင်းရင်းမြစ်များ

Filipi 3:3

Wo mɔle le mu sii sunnareŋɛnu la a tɔɲa kii ma, wo mɔle minnu be Ala batula a Hakkili saniyandeŋɛ sabu la. Mɔ be ɲagalinna Ala la mɔgɔ masubɛreŋɛ Isa la ko la, wo butɔ mɔ bele laaren mɔ yɛtɛ wunde la.

1 Samiyɛli 14:5

Wo ɲin dɔndɛ be lasɔren tele bɔɛ bolo mara mafanna, Mikimasi tabɛŋɛ tɔ, ɲiŋɛ doe tugun be sɔren a bolo ɲinma mafanna, Geba tabɛŋɛ tɔ.

1 Samiyɛli 14:7

A la kɛlɛmafen mayadɛlá ka a jaabi, a ko: «I juse bata min bɛ jigan, i ni taga wo bɛ ma. N si to i fɛ kɛɲa bɛ la.»

1 Samiyɛli 17:26

Dauda ka kɛ mɔgɛnu maɲininka minnu be kumala nun a kɛnna, a ko: «Ka min ka kɛ Filisiti kaa faga, a ka mɔnɛ bɔɔ Isirayila ma a be min donden mɔ ma, anu be fen de mala wo tigi ye? Bɔ, ɲɔmɔ le ɲan mu kɛ Filisiti kaa la, kɛ bilakore, han a ni mɔnɛ don Ala la sɔɔrenu ma, Ala min be baluren?»

1 Samiyɛli 17:36

Mansa, n be jata nun wo wula butɔ sube botegela ɲɔgɔnna le, minnu be nala mɔ la kolofeŋɛnu kɔma. Awa, n be kɛ Filisiti kaa bilakore tugun na ko mala ɲɔgɔnna le, bayi a be mɔnɛ donna Ala la sɔɔrenu ma, Ala min be baluren.»

1 Samiyɛli 17:46

Alatala si i sa le n sagoe tɔ bi, n ni i faga, n mɛn ni i kuŋɛ kuntu. Bi, n si Filisiti sɔɔrenu binde dii le kondeŋɛnu ma kantɔ, anun burun butɔ subenu. Wo wagate, dunuya bɛ si a lɔn de ka a fɔla, Ala be Isirayila bolo.

1 Samiyɛli 17:47

Minnu bɛ be madɛnden yan, anu bɛ si a lɔn de ka a fɔla Alatala bele mɔgɛ lakisila faŋɛ le la, ka wo ma tanba. A si lɔn de bi aa Alatala le mu kɛlɛ mansa la, a si wo sa le bi mɔ sagoe tɔ.»

1 Samiyɛli 31:4

Wo butɔ, a ka a fɔ a la kɛlɛ mafeŋɛnu mayadɛlá ye, a ko: «I la faŋɛ futin a laa tɔ, i ni n sɔgɔ, alako kɛ bilakorenu kana na anu ni n ɲagankata ka n faga mamayoe tɔ.» Kɔnɔ a la kɛlɛ mafeŋɛnu mayadɛlá ma sɔn, a kilanta a mala. Sayulu ka faŋɛ jigan, a ka a lasɔ, a ka a yɛtɛ laboe faŋɛ suŋɛ ma sɛnbɛ la.