1 Samiyɛli 14:51 - Ala la kitabuenu Mɔgɔfin kuma tɔ

⁵¹ Abiyeli la deŋɛnu le be tabɛnden Sayulu baaba Kisu, anun Abineri baaba Neri ma.

1 Samiyɛli 14:51 ပူးပေါင်းရင်းမြစ်များ

1 Samiyɛli 14:50

Sayulu la muse tɔgɔ le nun Ahinoyamu, Ahimaasi do la den musereŋɛ. A la sɔɔri mansa mu Abineri le la, Neri la den kayireŋɛ, Sayulu baaba dɔgɔmaŋɛ.

1 Samiyɛli 26:5

Wo wagate le, Dauda wulita, a tagata Sayulu la daaka mafanna. A ka Sayulu hasɛ a be saren, a ka Sayulu la sɔɔri mansa Abineri tugun hasɛ, Neri la deŋɛ, a be saren ka min na. Sayulu be saren a la sɔɔrenu tɛma le anu madɛndula tɔ, jama bɛ be a lamilinden.

1 Samiyɛli 9:1

Mɔgɔ do be nun Bunyamin bɔnsɛ tɔ Isirayila jama ɲaama, min tɔgɔ Kisu. A baaba tɔgɔ Abiyeli, Abiyeli baaba tɔgɔ Serori, Serori baaba tɔgɔ Bekorati, Bekorati tugun baaba tɔgɔ Afiya, min be sɔtɔren Bunyamin bɔnsɛ tɔ. Awa, Kisu be maren mɔgɛ le la, min sɔdula nun a sɛnbɛ kolo.

1 Samiyɛli 9:21

Sayulu ka a fɔ, a ko: «Bunyamin kaa le mu n na, mɔle bɔnsɛ ma dɔgɔ ba bɔnsɛ bɛ tɛma Isirayila? Mɔ la gabila le tugun ma dɔgɔ gabila bɛ ko ba Bunyamin bɔnsɛnu tɛma? Fen de be a maren i be kumala n ɲɛ kɛ mɔɔle la?»