1 Samiyɛli 13:5 - Ala la kitabuenu Mɔgɔfin kuma tɔ

⁵ Filisiti kaanu madɛnta Isirayila kɛlɛ koe la. Sarɛti kɛlɛ mafeŋɛ wulu bi saba le be anu bolo nun, soo tige kɛlɛ malanu mɔgɔ wulu wɔɔrɔ. Wo jama siyata iko mɛɲɛn kole minnu be ba dala. Anu nata daaka Mikimasi, Beti-Aweni tele bɔɛ tɔ.

1 Samiyɛli 13:5 ပူးပေါင်းရင်းမြစ်များ

Ko fɔlɔfɔlɛ 22:17

N si barikɛ sa i la ko tɔ koola, n ni i bɔnsɛ lasiya iko loolenu minnu be kantɔ, ka wo ma anu si siya iko mɛɲɛn kole min be ba dala. I bɔnsɛ si naa nɔ sɔtɔ le anu jaguenu kunma.

1 Samiyɛli 13:11

Samiyɛli ka a fɔ, a ko: «I be fen de maren?» Sayulu ka a jaabi, a ko: «N to ka a yen jama be malansanna n kunma, adun i ma na a wagate, Filisiti kaanu tugun bata na madɛn Mikimasi,

1 Samiyɛli 13:2

Sayulu ka bani Isirayila jama madɛn, a ka kayi wulu saba masubɛ anu tɔ. Mɔgɔ wulu fila tota a bolo Mikimasi anun Betɛli kɔnkɛ kunma, mɔgɔ wulu dɔndɔ tota a la den Yonatan bolo Gibeya saa tɔ, Bunyamin bɔnsɛ la duge tɔ. A ka jama tɔmanu lasaagi anu bata.

1 Samiyɛli 14:23

Alatala ka Isirayila jama lakisi wo lun. Kɛlɛ yajɛta han Beti-Aweni saa tɔ.

1 Samiyɛli 14:52

Sayulu la simaya bɛ butɔ, a nun Filisiti kaanu be fɔrɔntiŋɛ le tun tɔ nun. Sayulu tini mɔgɔ yo yen min sɛnbɛ kolo, a suusɛta, a be wo tigi ladonna le a la galideŋɛnu ɲaama.

1 Samiyɛli 17:1

Filisiti kaanu ka anu la kɛlɛ malanu madɛn kɛlɛ ma koe la. Anu tagata kunbɛn Soko, Juda duge tɔ, anu ka anu la daaka ɲiɲa Efesi-Damimu, dula min be Soko nun Aseka tɛma.

1 Samiyɛli 7:13

Filisiti kaanu maluta ɲɔgɔnna le, anu ma tasaagi nala Isirayila duge tɔ bitugun. Alatala ka a la nɔɛ digin Filisiti kaanu ma Samiyɛli la simaya bɛ butɔ.