1 Samiyɛli 13:14 - Ala la kitabuenu Mɔgɔfin kuma tɔ

¹⁴ kɔnɔ kɔtɛ, i la mansaya te sabati bitugun. Alatala bata mɔgɔ do masubɛ a be diren min ye, a ni wo tigi ma a la jama latagamanná la, bayi i bele i hakkile toren yamɔre ma, a ka min don i bolo.»

1 Samiyɛli 13:14 ပူးပေါင်းရင်းမြစ်များ

Kiilanu 13:22

A to ka Sɔlu bɔɔ mansaya tɔ, a ka Dauda sɔ mansa la anu ye. A ka a la ko fɔ, a ko: ‹N bata Jese la den kayiren Dauda yen, kaye le min be n hɛnɛren; a si n sagona koe bɛ lakamali le.›

Kiilanu 7:46

Dauda la ko diyata Ala ye, a ka Ala mataran a ni a batu boŋɛ sɔ bani Isirayila bɔnsɛ ye.

1 Samiyɛli 15:23

Ala kulɛ sɔsɔ koe nun fɛrili ma koe bɛ si kan. Kantabɛlɛya nun kuye batue bɛ si kan. Awa, bayi i bata Alatala la kuma aɲɛ, ale tugun bata i aɲɛ, i bele maren mansa la bitugun a la jama kunma.»

1 Samiyɛli 15:26

Samiyɛli ka a fɔ Sayulu ye, a ko: «N bele sɔnden tagala i ma mɔ ni taga ɲɔgɔn na, bayi i bata Alatala la kuma aɲɛ. Wolo mu Alatala tugun bata i aɲɛ, alako i te ma mansa la bitugun Isirayila jama kunma.»

1 Samiyɛli 15:28

Samiyɛli ka a fɔ a ye, a ko: «Alatala bata Isirayila mansaya fara i ma bi, a ni a bɔɔ i bolo, a ni a don mɔgɔ do bolo, min kaɲin ile ko.

1 Samiyɛli 16:1

Alatala ka a fɔ Samiyɛli ye, a ko: «I be suunula Sayulu la ko la han muntuma? Nde bata a aɲɛ, a te ma Isirayila mansa la bitugun. Kɔtɛ, i la bina lafa tule la, i ni taga Betilɛmu, n be i kiila Jese le bata, bayi n bata mansa masubɛ a la den kayireŋɛnu tɛma.»

1 Samiyɛli 16:12

Wo kɔma, Jese ka kiilá kii, anu ka a nati. A kunsige wulenma le mu nun, a ɲa kolenu majabuta, a kɛɲa kaɲin. Alatala ka a fɔ Samiyɛli ye: «Wuli, i ni tule bɔn a kuŋɛ tɔ, alako a ni ma mansa la.»

1 Samiyɛli 2:30

Alatala la kuma fɔreŋɛ le kɛ la, bani Isirayila Marige Ala: ‹Tɔɲa le, nde le ka a fɔ nun, i la fɔgɛ nun i benba la fɔgɔ da mɔgɛ bɛ be tola n na wale le tɔ nun kudai. Kɔnɔ kɔtɛ, n bata wo lahire bɔɔ a tɔ feu. Bayi n be mɔgɛ le biliyala min ka n biliya, kɔnɔ minnu be n fɛɛyala, n be maluya le dusula wonu kunma.

1 Samiyɛli 24:20

Ka mɔgɛ ka a jague masɔtɔ, a si a to le ba a ni taga a sagoe la? Alatala mu i sɔŋɛ diila ko ɲinma la i ka min ma n ɲɛ bi luŋɛ tɔ.

1 Samiyɛli 25:30

Marige Alatala tini ban wo ko ɲinma bɛ mala, a be min lahire jiganden i ye, a ni i ma Isirayila latagamanná la,

1 Samiyɛli 9:16

«Sinan kɛ wagate, n si mɔgɔ do lasanba i ma, min be bɔɔla Bunyamin bɔnsɛ la duge tɔ. I ni tule bɔn wo tigi kuŋɛ tɔ a yita koe la a bata ma n na Isirayila jama latagamanná la. A si n na jama lakisi le Filisiti kaanu bolo, bayi n bata n hakkili to n na jama ma, anu diri kulɛ bata na han a bata n taran.»