1 Samiyɛli 13:12 - Ala la kitabuenu Mɔgɔfin kuma tɔ

¹² wo butɔ n ka a mira n ko: ‹Filisiti kaanu si jigi le n ma Giligali yan, n nun bele Alatala mataranden!› Wolo mu n ka a fɔ n ko n te nɔ kɔnɔŋɛ mala bitugun, a fɛrɛ bele fɔ n ni sarika bintannɛŋɛ bɔɔ n yɛtɛ la.»

1 Samiyɛli 13:12 ပူးပေါင်းရင်းမြစ်များ

1 Samiyɛli 13:11

Samiyɛli ka a fɔ, a ko: «I be fen de maren?» Sayulu ka a jaabi, a ko: «N to ka a yen jama be malansanna n kunma, adun i ma na a wagate, Filisiti kaanu tugun bata na madɛn Mikimasi,

1 Samiyɛli 13:13

Samiyɛli ka a fɔ Sayulu ye, «I bata hakkilibɔnɔya wale ma. I Marige Alatala ka i yamɔri i ni koe min ma, i ma a labatu. Alatala be i la mansaya lasabatila le nun Isirayila kunma kudai,

1 Samiyɛli 15:12

Samiyɛli wulita saguma piri, taga koe la Sayulu yendula. Anu ka a fɔ a ye, aa Sayulu bata taga Karimɛli saa tɔ, aa a ka kure sɔ ɲɔ kɛlɛ matalɔŋɛ tɔnkuma la a ni ma a yɛtɛ la biliya la, aa a naata tanbi pon, a jigita Giligali.

1 Samiyɛli 15:22

Samiyɛli ko: «Bɔ, Alatala be ɲagalinna kolofen bɔɔ koe le la sarika la, ka a kulɛ biliya koe? N ni a fɔ i ye, yamɔri labatu koe fisa sarika ko, Ala sago ma koe tugun fisa saaka kontoŋɛ kɛndeŋɛ ko.

1 Samiyɛli 21:7

Wo butɔ, sarika lakelá ka wo dɛgɛ saniyandeŋɛnu don a bolo, bayi dɛgɛ yo bele nun ɲɔ, fɔ wo dɛgɛnu minnu be saren nun teebile tɔ hɔrɔma dingira butɔ Alatala tabɛŋɛ tɔ. Wo ka a taran, anu ka anu jigan wagate min tɔ, anu bata dɛgɛ namanu sa ɲɔ anu faliŋɛ la.