1 Samiyɛli 10:5 - Ala la kitabuenu Mɔgɔfin kuma tɔ

⁵ I tini bɔɔ ɲɔ, i ni taga Gibeya-Elohimu, Filisiti kaanu la sɔɔri gale do be ka min na. I tini be donna ɲɔ saa tɔ, i si bɛn nabiyonmɛ kuruŋɛ la, minnu be bɔɔren sarika bɔɔdula tenteŋɛ do tɔ. Kɔndin botegelanu be tagamanna anu ɲatɔ, anun boote botegelanu, anun serede felanu, anun kɔra botegelanu, anu be Ala la kiila lakela.

1 Samiyɛli 10:5 ပူးပေါင်းရင်းမြစ်များ

1 Samiyɛli 10:10

Anu be donna Gibeya saa tɔ yo, nabiyonmɛ kuruŋɛnu le mu ka, minnu be naren a labɛndula. Ala ka a Hakkile lajigi Sayulu ma, Sayulu tugun ka Ala la kiila lake anu tɛma.

1 Samiyɛli 10:4

Anu si i kɔntɔn ka i kende masa, anu si dɛgɛ fila dii i ma, i ni a labita.

1 Samiyɛli 13:2

Sayulu ka bani Isirayila jama madɛn, a ka kayi wulu saba masubɛ anu tɔ. Mɔgɔ wulu fila tota a bolo Mikimasi anun Betɛli kɔnkɛ kunma, mɔgɔ wulu dɔndɔ tota a la den Yonatan bolo Gibeya saa tɔ, Bunyamin bɔnsɛ la duge tɔ. A ka jama tɔmanu lasaagi anu bata.

1 Samiyɛli 13:3

Lun do, Yonatan ka Filisiti kaanu la gali mansa faga, min be nun Geba saa tɔ. Filisiti kaanu ka wo mɔɛ. Sayulu ka yamɔre sa bina ni fe Isirayila duge bɛ butɔ, bayi a ko: «Fɔ n na jama Hebure kaa bɛ ni a lamɔɛ.»

1 Samiyɛli 19:20

Sayulu ka kiilanu boloka, anu ni taga Dauda jigan. Wonu ka nabiyonmɛ gale do taran, Samiyɛli be sɔren anu ɲatɔ, anu be Ala la kiila lakela. Ala hakkile jigita Sayulu la kiilanu ma, ande tugun bakkuta Ala la kiila lakela.

1 Samiyɛli 9:12

Den musereŋɛnu ka anu jaabi, anu ko: «Iyon, ale le be wo ɲatɔ wo la ká. Kɔnɔ wo teriya de, bayi a be naren mɔ la saa tɔ bi, jama be sarika banba do bɔɔla tenteŋɛ tɔ.