1 Piyɛri 5:9 - Ala la kitabuenu Mɔgɔfin kuma tɔ

⁹ Wo ni sɔ dɛnkɛnɛya kɔma pen, wo ni kata alako a kana nɔ sɔtɔ wo ma. Wo ka a lɔn, wo dɛnkɛnɛyaɲɔgɛ minnu be dunuya butɔ, anu bɛ be tɔɔrɔren kɛ ɲagankata mɔɔle le la.

1 Piyɛri 5:9 ပူးပေါင်းရင်းမြစ်များ

Luki 22:32

Kɔnɔ n bata Ala mataran ile ye, alako i la dɛnkɛnɛya kana ban i bolo. Ile tugun, i tini i yɛtɛ lasaagi n ma wagate min tɔ, i si i bareŋɛnu sɛnbɛ don de.»

Yaya 16:33

N be kɛ koenu fɔren de wo ye, alako wo ni jususa sɔtɔ nde sabu la. Wo si naa tɔɔrɔ le dunuya, kɔnɔ wo limaniya, nde bata dunuya nɔ.»

Kiilanu 14:22

Anu be talibenu lalimaniyala, ka anu lasii anu ni sabati dɛnkɛnɛya butɔ, anu be a fɔla anu ye: «Ka wo mɔ ma tɔɔrɛ siyama doni, wo mɔ te don Ala la mansabaya niiniŋɛ kɔtɔ.»

1 Tesaloniki 3:3

alako wo la mɔgɔ yo kana hanmɛ wo la ɲagankata tɔ wo be min tɔ ka. Wole yati ka a lɔn, wo ɲagankata le be lagiriren wo mɔ ma.

Yaguba 4:7

Awa, wo ni wo fan majigi Ala ye. Wo ni sɔ Sentanɛ kɛlɛ koe la, ale tugun si bori le wo la.

1 Piyɛri 1:6

Wo butɔ, wo ni sɛɛwa, hali a be lagiriren wo ye tɔɔrɛ mɔɔle bɛ ni wo juse makasa kɛ wagatindeŋɛ kɔtɔ.

1 Piyɛri 2:21

Wo be keleren wolo la, bayi Ala la mɔgɔ masubɛreŋɛ tugun tɔɔrɔta le wo mɔ ye. A ka misale to wo ye, alako wo ni a ladegen.

1 Piyɛri 3:14

Hali mɔgɛnu tagata wo tɔɔrɔ wo la teleŋɛ la ko sabu la, wolo si ma wo ye hɛra la. Wo kana kilan anu la, wo juse kana bɔɔ.

1 Piyɛri 4:13

Tɔɔrɔ koe Ala la mɔgɔ masubɛreŋɛ fɛ, wo ni ma sɛɛwa le la wo ye. Wo butɔ, wo mɛn si ɲagalin a banba la a la nɔɔra yita luŋɛ.