1 Piyɛri 4:11 - Ala la kitabuenu Mɔgɔfin kuma tɔ

¹¹ Ka mɔgɛ be diren kuma do fɔla, a ni Ala la kuma le fɔ. Ka mɔgɛ be diren dɛmare mala, a ni wo ma Ala sɛnbɛ le la, alako Ala ni mamatɔgɛ sɔtɔ koe bɛ tɔ a la mɔgɔ masubɛreŋɛ Isa sabu la. ⸂Mamatɔgɛ nun⸃ sɛnbɛ be a ye abada. A be ɲɔgɔnna le yati!

1 Piyɛri 4:11 ပူးပေါင်းရင်းမြစ်များ

Yaya 13:31

Judasi la bɔɛ kɔma, Isa ka a fɔ: «Wagate bata ke, nde Adamadeŋɛ la kunnawule ni makɛnɛn. Ala la nɔɔra tugun si makɛnɛn nde sabu la.

Kiilanu 7:38

Wo mɔ benbanu to be madɛnden janfue tɔ, ale Musa yati le tota ande nun maleka tɛma min be kumala a ye Turisinina kɔnkɛ kunma. Ale len ka Ala la malakisi kumanu mɔɛ, a ni wonu matanbi wo mɔ ma.

Filipi 1:11

Wo lun, wo si a taran, Isa Ala mɔgɔ masubɛreŋɛ ka wo juse lafa ko matelendeŋɛnu la, alako Ala ni biliya sɔtɔ, a ni matɔgɔ.

Filipi 2:11

Anu bɛ ni a yita ka a fɔla, «Ala la mɔgɔ masubɛreŋɛ Isa le mu Marige la.» Anu to si wo fɔ, wo ni ma mamatɔgɛ la Baaba Ala ye.

1 Tesaloniki 2:4

Ala to bata mɔ mafɛlɛ, a bata a la kibaru ɲinma taaku mɔ la mɔ ni a fɔ, wo butɔ, mɔ bele kumala le alako mɔ ni diya mɔgɛnu ye. Ade, mɔ be kumala alako mɔ la ko ni diya Ala le ye, min be wo mɔ jusu butɔ koenu fɛlɛla.

Yaguba 1:19

N nɛɛnɛdɔndɔ kanunteŋɛnu, wo ni wo hakkile to kɛ kuma ma: Wo dɔndɔ dɔndɔ bɛ ni haujɛ wo tolomasɔ koe la, wo kana teriya kumala, wo juse kana yɛlɛ teriya la,

Yaguba 1:26

Ka mɔgɔ yo ka a yɛtɛ mira diinɛlá la, kɔnɔ ka a bele a yɛtɛ tabitala a da ma, wo tigi be a yɛtɛ majuguyala le. A la diina sɔdula yo bele.

1 Piyɛri 2:12

Wo la tagamanɲa ni bɛn a ɲinma la dunuya mɔgɛnu tɛma. Wo butɔ, hali anu ka wo tɔɲɛgɛ le wali koroŋɛ ma koe la, anu ni wo la wali ɲinma le tun yen, anu le tugun si naa Ala biliya le dantɛgɛ sa luŋɛ.

1 Piyɛri 2:5

Wo be wo madonna a la, wo butɔ wole tugun be mala kurenu le la minnu be baluren, kurenu minnu be sɔla Ala la nɔɔra boŋɛ la. Wo mɛn be mala le sarika lakelá jama saniyandeŋɛ la, wo ni wo yɛtɛ bɔɔ sarika la Ala ye, Ala batue sarika min di a ye a la mɔgɔ masubɛreŋɛ Isa sabu la.

1 Piyɛri 4:10

Ala ka hinnɛnteya dii wo dɔndɔ dɔndɔ bɛ ma, awa wole tugun ni ɲɔgɔn dɛman. Wo butɔ, wo ni ma Ala la walilá ɲinma la, minnu be a la hinnɛ tafatanna, min sige siyata.

1 Piyɛri 4:16

Kɔnɔ ka wo ka ɲagankata sɔtɔ bayi Isayanka dɛnkɛnɛyabaganu le mu wo la, wo kana wo malu. Wo ni Ala tantu wo la wo «Isayanka» tɔgɛ sabu la.

1 Piyɛri 5:11

⸂Mamatɔgɛ nun⸃ sɛnbɛ be ale le ye abada. A be ɲɔgɔnna le yati!