1 Piyɛri 3:4 - Ala la kitabuenu Mɔgɔfin kuma tɔ

⁴ Musenu, wo la ɲiɲa ni ma jusu ɲinmaya, jusu sɛɛya nun sabare le la. Ɲiɲa le wo la min te tiɲa. Wolo sɔdula kolo Ala ye.

1 Piyɛri 3:4 ပူးပေါင်းရင်းမြစ်များ

Luki 11:40

Wole hakkilibɔnɛnu! Min ka koe kɔma da, wolo ma a butɔ tugun da ba?

Luki 16:15

A ka a fɔ anu ye, a ko: «Wo be wo yɛtɛ maren mɔgɛnu ɲala telenbaganu la, kɔnɔ min be wo sondoŋɛ tɔ, Ala ka wo bɛ lɔn. Wo ni a lɔn, min tɔnɛ kolo mɔgɛ ye, wo mu tana le la Ala ye.

1 Tesaloniki 4:11

Wo ni kata bɛ ma alako jususa ni to wo tɛma. Dodo kana do la ko masoe. Wo ni kɛnɛ walila wo ⸂yɛtɛ⸃ bole la iko mɔ ka a yita wo la ki min na.

2 Tesaloniki 3:12

Minnu be wo mala, mɔ be wonu yamɔrila ka anu lasii Ala la mɔgɔ masubɛreŋɛ wo mɔ Marige Isa tɔgɛ la, mɔ ko anu ni wale ma sabare la, anu ni anu yɛtɛ bolofeŋɛ dɔmɔ.

Yaguba 1:21

Wolo mu, wo ni ko manɛfireŋɛ nun ko koroŋɛ mɔɔle bɛ boloka. Ala bata kuma min nasabati wo juse tɔ, wo ni wo bita mamajige butɔ, bayi wo kuma si nɔ wo lakisila.

1 Piyɛri 1:23

Wo ni wo ma bayi wo bata tasɔtɔ a nama la Ala la kuma balureŋɛ sabu la. Wo kuma be misaliren sugu kole le la min te tiɲa. Sugu kole doenu si sa duge tɔ, anu ni ban ɲɔ. Kɔnɔ Ala la kuma kan te ban feu, a si to ɲɔ ⸂abada⸃.

1 Piyɛri 3:15

Kɔnɔ wo ni wo Marige Ala la mɔgɔ masubɛreŋɛ biliya wo juse tɔ. Wo ni wo tabɛn tɛmuɛ bɛ alako mɔgɛnu tini wo maɲininka wo yili be sɔren fen min na, wo ni nɔ a ɲatabɔla anu ye.

1 Samiyɛli 16:7

Kɔnɔ, Alatala ka a fɔ Samiyɛli ye: «I kana a bale le fɛlɛ de, ka wo ma a la kayanya. Bayi nde bele ale le masubɛren. Nde la mamasubɛ bele toren de iko mɔgɛnu. Mɔgɛnu ɲa be min yenden, anu be wolo makiitila. Alatala kan ɲa be sɔren mɔgɛ juse le la.»