1 Piyɛri 2:7 - Ala la kitabuenu Mɔgɔfin kuma tɔ

⁷ Kɛ kure sɔdula kolo wole dɛnkɛnɛyabaganu ye. Kɔnɔ kitabu dula do be a fɔren dɛnkɛnɛyabalenu ye, a ko: «Bon sɔlanu ka kure min aɲɛ, wolo be maren boŋɛ fondoma sigi kure la.»

1 Piyɛri 2:7 ပူးပေါင်းရင်းမြစ်များ

Luki 2:32

Kɛ malakisila si ma lanpue la min si dunuya see bɛ labɔɔ dibe tɔ. A si ma nɔɔra la i la bani Isirayila mɔgɛnu ye. »

Luki 2:34

Simeyɔn dubata anu ye, wo kɔma a ka a fɔ Isa nɛɛnɛ Mariyama ye, a ko: «A fɛlɛ, Ala bata a laɲini, bani Isirayila mɔgɛnu tɛma, kɛ deŋɛ la ko si mɔgɔ siyama laboe, a ni a siyama tugun mayɛlɛ. A si naa ma Ala seede la, mɔgɔ siyama te sɔn a la ko ma.

Luki 20:17

Kɔnɔ Isa ka a ɲa sɔ jama la, a ka a fɔ anu ye, a ko: «Wo butɔ, kuma min be sɛbɛren Jaburu tɔ, wo be fasarila kama la? Kitabue ko: ‹Bon sɔlanu ka kure min aɲɛ, wolo be maren boŋɛ fondoma sigi kure la.› »

Yaya 4:42

Wonu ka a fɔ ale muse ye: «Mɔ ma dɛnkɛnɛya i la kuma le la de! Mɔle yɛtɛ bata a la kuma mɔɛ, mɔ ka a lɔn dunuya malakisilá yati mu ale le la.»

Kiilanu 26:19

Mansa Agiripa, wo butɔ, Marige ka min yita n na bɔɔla saŋɛ tɔ, n ma wo sɔsɔ.

1 Piyɛri 1:8

Wo bata Isa kanu hali wo to ma a yen; hali wo to bele a yenden tugun, wo be laala le a la, han ka sɛɛwa. Sɛɛwa belebele le mu, a ɲan te fɔ.

1 Piyɛri 2:4

Wo be wo madonna Marige Isa la min be misaliren kure la min be baluren. Mɔgɛnu ka a aɲɛ le, kɔnɔ Ala kan be ale le masubɛren, a sɔdula kolo Ala ɲakɔtɔ.

1 Piyɛri 2:8

A mɛn be fɔren: «Kure le mu mɔgɛnu si anu kɛn natugu min na, kure le mu min si mɔgɛnu laboe.» Anu to bele sɔnna Ala la kuma bitala, wolo mu anu si boe. Ala bata wo lagiri anu ye.