1 Piyɛri 2:21 - Ala la kitabuenu Mɔgɔfin kuma tɔ

²¹ Wo be keleren wolo la, bayi Ala la mɔgɔ masubɛreŋɛ tugun tɔɔrɔta le wo mɔ ye. A ka misale to wo ye, alako wo ni a ladegen.

1 Piyɛri 2:21 ပူးပေါင်းရင်းမြစ်များ

Luki 24:26

A fɛrɛ bele fɔ Ala la mɔgɔ masubɛreŋɛ ni kɛ tɔɔrɛ sɔtɔ, jɔ a ni don a la nɔɔra tɔ.»

Yaya 13:15

Iyon, n bata misale yita wo la, alako wole tugun ni a ma iko nde ka a ma wo ye ki min na.

Yaya 16:33

N be kɛ koenu fɔren de wo ye, alako wo ni jususa sɔtɔ nde sabu la. Wo si naa tɔɔrɔ le dunuya, kɔnɔ wo limaniya, nde bata dunuya nɔ.»

Kiilanu 14:22

Anu be talibenu lalimaniyala, ka anu lasii anu ni sabati dɛnkɛnɛya butɔ, anu be a fɔla anu ye: «Ka wo mɔ ma tɔɔrɛ siyama doni, wo mɔ te don Ala la mansabaya niiniŋɛ kɔtɔ.»

Kiilanu 17:3

A be kitabue fasarila, a be a yitala a ko, a fɛrɛ yo bele fɔ Ala la mɔgɔ masubɛreŋɛ ni tɔɔrɔ, a mɛn ni tawuli fagabaganu tɛma. A ko: «N be Isa min na ko lakela wo ma ka, ale le mu Ala la mɔgɔ masubɛreŋɛ la.»

Kiilanu 9:16

Tekku fɔ a ni tɔɔrɛ siyama sɔtɔ n tɔgɛ la ko la, nde yɛtɛ si min yita a la.»

Filipi 2:5

⸂Wo butɔ,⸃ wo yuge ni to ɲɔgɔn tɛma iko Ala la mɔgɔ masubɛreŋɛ Isa tɛŋɛ.

1 Tesaloniki 3:3

alako wo la mɔgɔ yo kana hanmɛ wo la ɲagankata tɔ wo be min tɔ ka. Wole yati ka a lɔn, wo ɲagankata le be lagiriren wo mɔ ma.

1 Tesaloniki 4:2

Marige Isa ka a fɔ mɔ ni wo yamɔri fen min na, wo ka a lɔn yati.

1 Piyɛri 1:20

Ala bata a masubɛ yannun dunuya ni da, kɔnɔ a ka a yita dunuya kɛ wagati tɔɛ mɔgɛnu le la, a ni wole le munanfan.

1 Piyɛri 2:24

Isa yɛtɛ ka wo mɔ la junubenu doni a bali bangue tɔ, a banbanta lɔgɔ bangalandeŋɛ tɔ. Junube be toren nun mɔ ye iko mɔ tige. Isa la faga sabue ka ma, a banta mɔ nun junube tɛma feu, alako wo mɔ ni to teleŋɛ tɔ kɔtɛ. Wo bata kendeya sɔtɔ a la mamabanu sabu la.

1 Piyɛri 3:18

Ala la mɔgɔ masubɛreŋɛ tugun tɔɔrɔta le dɔndɛ la junubenu la ko la. Ale min mu telenbaga la, a ka wo ma telenbalenu le ye. A ka wo ma le alako a ni wo madon Ala la. Anu ka a bale faga, kɔnɔ Ala Hakkile ka a nɛɛ lasaagi a ma.

1 Piyɛri 3:9

Wo kana wali koroŋɛ ɲɔgɔ wali koroŋɛ la. Wo kana nanire ɲɔgɔ nanire la. Kɔnɔ, wo ɲan bɛnta le wo ni a ma duba la. ⸂Wo ni a lɔn⸃ wo be keleren wolo la, alako wo ni duba sɔtɔ kɛɛ la.

1 Piyɛri 4:1

Ala la mɔgɔ masubɛreŋɛ bali bangue ka ɲagankata sɔtɔ, awa wole tugun ni wo tɛ takiti a la, wo hakkile dɔndɛ ni to wo ye, a fɔ koe la ka dɛnkɛnɛyabaga min bale be ɲagankatala, wo tigi bata junubu koe to ɲɔ.

1 Piyɛri 4:13

Tɔɔrɔ koe Ala la mɔgɔ masubɛreŋɛ fɛ, wo ni ma sɛɛwa le la wo ye. Wo butɔ, wo mɛn si ɲagalin a banba la a la nɔɔra yita luŋɛ.