1 Piyɛri 2:11 - Ala la kitabuenu Mɔgɔfin kuma tɔ

¹¹ N kanunteŋɛnu, wo be maren luntaŋɛnu la minnu be yigiyaren kɛ dunuya bangu munge kunma. Wo butɔ, n be wo madiyala le, wo ni wo yɛtɛ latanga dunuya diyanankoe koroŋɛnu ma, bayi anu be wo kɛlɛla Ala la kila kunma.

1 Piyɛri 2:11 ပူးပေါင်းရင်းမြစ်များ

Ko fɔlɔfɔlɛ 21:34

Iburahima mɛta Filisiti kaanu la jamanɛ tɔ, a ka tɛmu yanfama ma ɲɔ.

Ko fɔlɔfɔlɛ 23:4

a ko: «Nde mu luntaŋɛ le la, n be sigiren wo bata yan. Wo dula do san n ma, alako n ni a ma gaburudula la, n ni n na muse mandi ɲɔ, a ni yanfaya n na.»

Ko fɔlɔfɔlɛ 47:9

Yaguba ka a jaabi, a ko: «N na simaya san kɛmɛ san bi saba le ka. N be yirindi yirindila, bɔɔla jamanɛ do tɔ n ni taga do tɔ. N ɲan ma simaya banba sɔtɔ iko n baabanu ka a sɔtɔ ki min na, minnu tota yirindila nun anu ni taga dula do tɔ. Wo butɔ, n mɛn bata tɔɔrɔ banba sɔtɔ dunuya.»

Lewi bɔnsɛnu la sariya 15:18

Ka muse nun kaye kafuta saɲɔgɔya butɔ, a bɛnta anu ni anu bale ko. Anu si ma saniyanbale la han wura la.

Lewi bɔnsɛnu la sariya 25:23

Wo kana duge mayita dɔndɛ la kudai, bayi nde Alatala le tan mu duge la. Wo be toren de iko luntaŋɛnu minnu be yigiyaren n bata.

Luki 21:34

Awa, wo ni wo yɛtɛ mɛnni: wo kana to minfeŋɛ banba minna, wo ni siisi, han wo sondoŋɛ ni dese; wo kana kɔntɔfili dunuya sigi ɲa la, alako wo luŋɛ kana wo latɛrɛnna.

Kiilanu 15:20

fɔ ka sɛbɛre ma, ka a lasanba anu ma, anu ni anu yɛtɛ latanga sarika haramureŋɛnu dɔmɔ koe ma, minnu be bɔɔla kuyenu ye, anun subenu minnu bata jifɛ, anun base, anu mɛn ni anu latanga langbeya ma.

Kiilanu 15:29

wo kana sube dɔmɔ, min be bɔɔren sarika la kuyenu ye, anun subu jifɛreŋɛnu, wo kana base tugun min, wo mɛn kana langbeya ma. Ka wo ka wo yɛtɛ matanga kɛnu ma, wo bata ko ɲinma ma. Ala mu hɛra diila wo ma!»

Yaguba 4:1

Sɔnkɔsɔnkɛ nun kɛlɛ min be mala wo tɛma, wo lawule mu fen de la? Kaa, a bele lawulila wo diyanankoe koroŋɛnu le la, minnu be ɲɔgɔn kɛlɛla wo juse tɔ?

1 Piyɛri 1:1

Bataakɛ le mu ka, a be fatanden nde Piyɛri le la, Ala la mɔgɔ masubɛreŋɛ Isa la kiilá. N bata wo kɔntɔn, wole dɛnkɛnɛyabaga masubɛreŋɛnu minnu be malansanden luntanya la kɛ jamanɛnu butɔ: Pɔntu duge, anun Galati, Kapadosi, Asi nun Bitini.

1 Piyɛri 1:17

Wo be Ala mataranna, wo be a fɔla a ma «Baaba», Ala min be mɔgɛ bɛ makiitila a la wale ma, a te do lafisaya do ko. Wo butɔ, wo be wagatindeŋɛ min mala luntanya la kɛ dunuya bangu munge kunma, wo wagatindeŋɛ butɔ wo ni to tagamanna Ala ɲalakilaŋɛ le la.

1 Piyɛri 4:12

N kanunteŋɛnu, wo be ɲagankata bɛlɛŋɛ min yenna, wo kana wo tɛrɛnna. Ko nama ma a la.

1 Piyɛri 4:2

Wo butɔ, a bata dunuya diyanankoe to, a ni sɔ Ala sagona koe kɔma a la simaya butɔ min be toren a ye.