1 Piyɛri 1:1 - Ala la kitabuenu Mɔgɔfin kuma tɔ

¹ Bataakɛ le mu ka, a be fatanden nde Piyɛri le la, Ala la mɔgɔ masubɛreŋɛ Isa la kiilá. N bata wo kɔntɔn, wole dɛnkɛnɛyabaga masubɛreŋɛnu minnu be malansanden luntanya la kɛ jamanɛnu butɔ: Pɔntu duge, anun Galati, Kapadosi, Asi nun Bitini.

1 Piyɛri 1:1 ပူးပေါင်းရင်းမြစ်များ

Lewi bɔnsɛnu la sariya 26:33

N si wo mafatan de jamanɛ donu ma, n si wo bee le faŋɛ la. Wo la jamanɛ si jɔnjɔn de, mɔgɔ yo te to wo la saanu tɔ.

Luki 18:7

Ala kan go? A te anu la tɔɲa dii a la mɔgɔ masubɛreŋɛnu ma ba, minnu be anu kulɛ labɔɔla a ma, sue nun tele? A si mɛ anu dɛmanna ba?

Yaya 11:52

Iyon, a be fagala le, kɔnɔ a bɔnsɛ tun faliŋɛ ma. A be fagala le, alako a ni Ala la deŋɛnu tugun madɛn, minnu be mafatanden dula bɛ tɔ, a ni anu bɛ ma jama dɔndɔ la.

Yaya 7:35

Wolo ka a ma, Yahude kuntigenu ka a fɔ ɲɔgɔn ye: «Bɔ, kɛ be tagala mina le, wo mɔ te nɔ a yenna ka min na? Hali kɛ ni bɔɔ jamanɛ kɔma le ba? A ni taga Yahudenu dula, minnu be malansanden Girɛkenu la jamanɛ tɔ? A ni taga anu lakaran ba?

Kiilanu 18:2

A ka Yahude do taran ɲɔ, a tɔgɔ Akila, a sɔtɔta Pɔntu jamanɛ tɔ le. A be bɔɔren nala bɔɔla Itali jamanɛ tɔ, anun a la muse Pirisila, bayi Rɔmu mansa banba Kulodu dun bata Yahude bɛ yamɔri, ka a fɔla anu ni bɔɔ Rɔmu saa butɔ. Awa, kafuɲɔgɔya tota wonu nun Pɔlu tɛma.

Kiilanu 18:23

A ka wagati do ma ɲɔ, a mɛn ka kila tabita, a be Galati nun Firigi dugenu takuntula saa nun saa, a tota talibenu lalimaniyala.

Kiilanu 19:10

Wo tota mala han san fila. Wolo ka a ma, Yahude ba, minnu ma ma Yahude la ba, minnu bɛ be sabatiren Asi duge tɔ, anu bɛ ka Marige la kuma mɔɛ.

Kiilanu 6:9

Kɔnɔ Yahudenu minnu be bɔɔren Sirɛni nun Alɛsandiri saanu tɔ anun minnu be bɔɔren Silisi nun Asi duge tɔ, minnu be madɛnna kawandi ma boŋɛ tɔ, min tɔgɔ hɔrɔya mɔgɛnu la kawandi ma boŋɛ, wonu donu wulita, anu ka Etiyɛn nasɔnkɔ.

Kiilanu 8:4

Awa, dɛnkɛnɛyabaga minnu malansanta, wonu tanbita Ala la kibaru ɲinma lakela dula bɛ tɔ.

Yaguba 1:1

Bataakɛ le mu ka, a be fatanden nde Yaguba le la, Ala nun a la mɔgɔ masubɛreŋɛ Marige Isa la joŋɛ. N bata wo kɔntɔn, wole Ala la jama bɔnsɔ tan nun fila minnu be malansanden jamanɛnu butɔ.

1 Piyɛri 2:11

N kanunteŋɛnu, wo be maren luntaŋɛnu la minnu be yigiyaren kɛ dunuya bangu munge kunma. Wo butɔ, n be wo madiyala le, wo ni wo yɛtɛ latanga dunuya diyanankoe koroŋɛnu ma, bayi anu be wo kɛlɛla Ala la kila kunma.