Zacharie 9:16 - Ma Zhiklè

¹⁶ Ndo nzi pèc pècèk, Zhiklè tengaʼa, a da takaha ta a pats nasa, a da war ta ndohi na ara man a wèr tambakihai, a sam herkeda nengaʼa.

Zacharie 9:16 ပူးပေါင်းရင်းမြစ်များ

Psaumes 100:3

Va-suna, Ndo nzi pèc pècèk, nengaʼa Zhiklè: nengaʼa a nge nga, nga a nengaʼa, nga ndohi na, a tambakhi te va rèwè nengaʼa.

Exode 28:21

A woy kwa 12, ara nzlèmbaɗ verzi Israel 12. Ta vèhda nzlèmbaɗ verzi Israel a pa, ara man ndohi ngum kwa ta giaʼa, nzlèmbaɗ staɗ a deb kwa staɗ.

Exode 28:9

A ka hil kwa onyx cèw, a ka vèhda nzlembaɗ ndohi Israel a pa,

Esaie 40:10

Na haha, Bi Zhiklè a shkè a wuɗai, a gi ɓai a ri nengaʼa man wuɗi na zhè. Na haha skwi ntul na a zhè a ma na.

Esaie 54:12

I paɗa na gèɗ a rubis, kwa mbelaʼa, a ntamagi ngaya a béryl, kwa mbelaʼa, a dergi tèlèba a wud kwa mbelaʼa,

Esaie 60:14

Wud ndohi man ta zumda ka gèɗ a di ta shkè a sam ngaya a gurmbèzh. Tengaʼa tèlèba man ta derɗe ka, ta da kèlèhi a deɓ sak ngaya, a ta baha ka ‘kokwar Ndo nzi pèc pècèk’ – ‘Sion Zhiklè Israel nkezlaʼa’.

Esaie 60:3

Ndohi herkeda ta hi a sam skwi nhél sam ngaya; a bihi a sam nhelaʼa aman a vèngè a géɗ ngaya.

Esaie 62:3

Te deɓaʼa ka, ka skwi mpèɗè gèɗ ɓai te ri Ndo nzi pèc pècèk, ka zlatsa ara pokwa ɓai.

Jérémie 23:3

Aman iyè, i da ɓicka ta njèkèdi ndohi ga te verzi herkeda, a sam man i dzam ta a pa, a i da helka ta a deɓa a sam nʼnzi ta. Ta da yi wuda, a ta mènè a vata.

Jérémie 31:10

Va-tsena ma Ndo nzi pèc pècèk, ndohi herkeda! Va-njo dra Tʼherkeda nte ndev iyam! Va-gaɗa: Nengaʼa man a nksara Israel, a da ɓicèʼa, a da ɓirèʼa, ara ndo mɓer skwai man a wèr rèwè na.

Jérémie 31:11

Aman Ndo nzi pèc pècèk a nsumko Jacob a deɓa, a mprokoɗauda te ri man wuɗi na zhè a fena nengaʼa.

Ezéchiel 34:11

A vava, Bi Zhiklè a gaɗa: Na haha i woy a i wèr tambakihi ga a ri ga, a i lè ta.

Ezéchiel 34:12

Ara man ndo mɓer skwai, a wèr rèwè na a pats man iyam a ndombozlor a shkè, man tambakihi na ta ksar ta, i woya a i ɓer tambakihi ga, a i mbalka ta a deɓa a sam tèlèba man ta ksar ta a pa, a pats man vani a zhè, a pats ruva.

Ezéchiel 34:31

Kinè tambakihi ga, tambakihi man a rèwè ga. Iyè, Ndo nzi pèc pècèk, Zhiklè kinè, Bi Zhiklè a ngoɗa.

Michée 5:4

Nasa gumai. Aman ndohi Assyrie ta da shkè a kokwar nga, aman ta mbècè sak a herkeda nga, nga Zlatseda ta ndohi mɓer skwi tsaraɗ a wud bihi tsamakaɗ a ma.

Michée 7:14

Ɓür ndohi ngaya a gada mɓer skwi ngaya! Ara rèwè skwi ngaya, man ta nza a géɗ ta te za Carmel. Sèi ka lè ta a sam mbelaʼa te Basan, te Galaad, ara nzlèzlèʼa!

Sophonie 3:20

A pats nasa i da hel kinè a deɓa a ngwai, a pats nasa i da ɓic kinè a deɓa. I woy a i va kinè nʼnjèlè, a ndohi herkeda tèlèba ta slèbèrdè kinè, aman i da helka kinè a deɓa te ɓèlè, a sam di ta – Ndo nzi pèc pècèk a gaɗa.

Aggée 2:23

A pats nasa — Zhiklè bi mbiaʼa a gaɗa — ka gi a ndo malwuɗi ga; aman ka, man i ngatska ka auda, Zhiklè bi mbiaʼa a gaɗa.

Zacharie 10:6

I va ta wuɗi a ndohi gi Juda, a i takaha ta ndohi gi Joseph, a i helka ta a deɓa a ngwai, te man ta siyè te va. A gi ara man i kwol ta ɓi pal ba. Aman iyè, Ndo nzi pèc pècèk, i Zhiklè tengaʼa, i woya a i cè ntsi ri tengaʼa.

Zacharie 8:23

Zhiklè bi mbiaʼa a gaɗa: A pats nasa ndohi kula te verzi ndohi man daʼai ta tsaɗ, ta da gshè va a maslaka ndo Juif staɗ, a ta gaɗa: Nga woy a nga dè a verzi kinè! Nga suna, Zhiklè a zhè a nda kinè.

Luke 12:32

Kin gu zlau ɓai, kinè rèwè nkèshèa; aman Zhiklè a woya a va kinè kokwar Bi nengaʼa.

Jean 10:27

Tambakhi ga ta tsena daʼai ga, a i sen ta, a ta dzadzarkayè,