Zacharie 9:11 - Ma Zhiklè

¹¹ I helka ta ndohi dangai ngaya auda te vèvèɗ, man iyam a te pa ɓai, a géɗ pombaz nderzlè-ma nga.

Zacharie 9:11 ပူးပေါင်းရင်းမြစ်များ

II Samuel 13:13

I da nzi a ma, man i da gu skwi haha? A ka ha, ka ndi a ndo man ta woy ka ɓai te Israel. Aman ka gaɗa na bai, a da vyè a ka.

II Chroniques 7:17

Aman ka dzadzarkayè ara David, bab ngaya, a ka gi skwi tèlèba ara man i njè ka a gèɗ, a ka jèjèr ma nkwèr ga a ma man i de kinè a vna,

Job 33:30

aman a da mendoko na nshèffè na auda te vèvèɗ, a nda wuffè a géɗ skwi nhel sam ndohai.

Psaumes 30:3

Ndo nzi pèc pècèk, Zhiklè ga, i tsu ri a ka, a ka mbelyè dzafdzafaʼa.

Psaumes 40:2

I zhèr skwi te ri Ndo nzi pèc pècèk, a i nza taraʼa te pa, a nengaʼa a zhiidko gèɗ a hai a ntsena ntsi ri ga.

Psaumes 69:33

Kin ndohai man ta manda kinè gèɗ a hai, va-rka, va-wuffa! Kin ndohai man kin woy Zhiklè, ndav kinè da ngots wuɗai!

Exode 24:8

Te deɓaʼa Moise a nco pombaz, a nguca ta a va ndohai, a ngaɗa: Na haha Pombaz nderzlè-ma, man Ndo nzi pèc pècèk a derzla a nda kinè, a géɗ ma nengaʼa haha tèlèba.

Esaie 24:22

A pizl ta a vèvèɗ staɗ, ara man ta pizleda ndo a dangai. A pizl ta pa, te deɓ mʼmèn kumba a nda ga ta kita.

Esaie 42:22

Aman anai, ndohi haha, metsarhi ta helama ta skwai, ndo ntakaha ta azɓai. Ta dzaw ta a gi za, a ta pizl ta a gi dangai, ta te ri me-tsarhai, ndo ntakaha ta azɓai. Ta ndeva-ma ta skwi ta, ndo a gaɗa: ckoɗa deɓa, azɓai.

Esaie 42:7

A ka winè di mandazlai, a ka pra ta ndohi ndzawaʼa auda te dangai, a ka pra ta ndohi auda te ndev ruva.

Esaie 49:9

I gaɗa ta ndohi dangai: Vo-do auda! A ndohi te ruva: Vo-washkè a sam nhelaʼa! Skwi a ndi mandai a zolom civèɗ tèlèba, ta ndi mandai a géɗ ɓala.

Esaie 51:14

Ndul ndul ma, ta prokodi ndo dangai auda te cèlèlèu, a metsi te dangi azɓai, a tèkwèn movar azɓai.

Esaie 58:12

Wudahi ngaya ta da ɗaɗaya kokwar man mʼmbeɗ na hai, a pa, ka da ɗizlda verzi gi ndohi ngaya nzlèzlèʼa. Ta da baha ka ‘Ndo nʼndè slratsaʼa’, ndo man a til gi zaʼa.

Esaie 61:1

Mèzhèɓ Bi Zhiklè a zhè a géɗ ga. Nengaʼa a mfaɗayè mbár a gèɗ, a nzlindyè, aman i njè ta ma mbelaʼa a mbelaw ndohai, aman i bid ta ndohi man ndav ta a kuɗai, a i njè ta ndohi dangai, a ta pra ma, a ndohi ndzawaʼa, a skwi ndzaw ta matsa mpra ma;

Jérémie 38:6

A ta co Jérémie, a ta da a vèveɗ thal Malkija, kra hai, man a zhè a sam gi sojèhai. Ta da Jérémie a pa a teɓa. Iyam a te thal ɓai, sèi draɓ, a Jérémie a nkala a draɓ.

Daniel 2:29

Ka bai, ka hur man ka mana tʼhai a sam mʼmènè ngaya, a ka huro: skwi man a da shkè a ma ma, mè? A nengaʼa man a sun skwi nʼnghedaʼa haha a ngra ka skwi man a da gi a ma.

Matthew 26:28

Aman na haha Pombaz ga, Pombaz nderzlè-ma, man mbadahai, a mprè mali ndohi kumba.

Marc 14:24

A ngaɗa ta: Na haha Pombaz ga, Pombaz nderzlè-ma, man mbadahai a géɗ ndohi kumba.

Luke 16:24

A mbaha na, a ngaɗa: Abraham, Bab ga, i da se ka te va, zlündo Lazare, a nècko iyam a kra ri nengaʼa, a nècèy a nèʼèn ga, a ntaslayè! I si matakwan a vata te ndev vogwa haha.

Luke 22:20

Lèmèlèmè kokwai, te deɓ skwi nʼndai, a ngaɗa: Kokwi haha, skwi nderzle nga mɓuaʼa te Pombaz ga, man a mbaɗa a géɗ kinè.

Luke 4:18

Mèzhèɓ Bai a géɗ ga; nengaʼa a faɗayè mbar a gèɗ, man i njè ta ma mbelaʼa a ndohi ntawassaʼa. A nzlindekayè (man i bid ta ndohi man ndav ta a kuɗai,) a i njè ta ndohi dangai, ta pra ma,

1 Corinthians 11:25

Skwi haha va-gau, a kin héryè. Lèmèlèmè kokwi te deɓ skwi nʼndai, a ngaɗa: Na haha, kokwi nderzla nga a ma mɓuaʼa te pombaz ga. Skwi haha va-gu pèc pècèk, aman kin siaʼa, a kin héryè.

Deutéronome 5:31

Aman ka, washkè a ka zlatsa a sam ga, a i njè ka ma nkwèr ga, ma man a de kinè tèlèba, a ma kita ga, aman ka da senda ta, a ta jèjèrèʼa te kokwar man i da va ta a skwi ta.

Hébreux 10:2

Aman a matsa a slaha, ar mizlinè mvi skwi a Zhiklè klèng. A ndohi man ta gu mizlinè Zhiklè, aman ndav ta mpana sak staɗ, te deɓaʼa klèng, ar ta hér malihi te deɓaʼa asaɓai.

Hébreux 10:29

Va-huro, kita mbiaʼa holholaʼa ndo a ngècèʼa, aman a mbatsaha kra Zhiklè a sak, a nrka Pombaz nderzlè-ma, te nengaʼa man a gaʼa a ndo nkezlaʼa, ara skwi nlizhèa, a nderɗe Mèzhèɓ pombi Zhiklè.

Hébreux 13:20

Aman Zhiklè gumai, man a ncko Bi nga Yèsu auda te mʼmetsai, ndo mɓer tambakhi mbiaʼa te pombaz nderzlè-ma a mèdèp,

Apocalypse 20:3

a nkalda a vèvèɗ mpèltemtemaʼa, a mpizleda pa a skwi mpizlèʼa, ntkotsa a deɓaʼa, aman a slaha a mpe ta ndohi herkeda a wi asaɓai, ha mvi gozhèm staɗ klèng. Te deɓaʼa ta da prèʼa kèshkata zaʼa.