Zacharie 8:7 - Ma Zhiklè

⁷ Zhiklè bi mbiaʼa a ngaɗa: Na haha, i woy a i mbel ta ndohi ga, a hünko te civèɗ mvèng pats, a ndè a civèɗ nkèl pats.

Zacharie 8:7 ပူးပေါင်းရင်းမြစ်များ

Néhémie 1:9

Aman kin da menkada deɓa a sam ga, a kin jèjèr ma nkwèr ga zuraʼa, ko kin venda gèɗ a verzi herkeda, i da ɓicka kinè a deɓa, a i de kinè a sam man i ngotskoɗauda, a nzlembaɗ ga da nza a pa.

Psaumes 113:3

Te civèɗ mvèng pats a ndè a sam nkèl pats, sèi ngo-slubordokoy nzlembaɗ Ndo nzi pèc pècèk!

Psaumes 147:2

Ndo nzi pèc pècèk a da dadaya Jerusalem zaʼa, a da helka ta ndohi Israel a deɓa zaʼa.

Psaumes 50:1

Dimèsh Asaph. Zhiklè a géɗ zhiklèhai, Ndo nzi pèc pècèk, a gèɗè, a bèhè herkeda, a hinè te civèɗ mvèng pats, a ndè a civèɗ nkèl pats.

Esaie 49:12

Na haha ndohi ngiɗè ta shkè dra, ndohi ngiɗè ta shkè te civèɗ man a géɗèʼa, te civèɗ dukwaɗ, ndohi ngiɗè te kokwar ndohi Sinim.

Esaie 59:19

A ta da gi zlau nzlembaɗ Ndo nzi pèc pècèk, te civèɗ dukwaɗ, a ta da gi zlau nʼnjèl bi nengaʼa te civèɗ mvèng pats. Aman nengaʼa a shkè ara woyam nterzlaʼa, man nshèffè Ndo nzi pèc pècèk a hèdèʼa.

Jérémie 31:8

Na haha iyè i bahka ta te kokwar man a géɗèʼa, i da ɓicka ta te verzi herkeda. Te va tengaʼa ndo mandazlai, ndo vedal, ngwoz man na hwaɗ, ngwoz man a yi kra, tèlèba, nhèyè ndohi mbiaʼa, man a da shkè a deɓa a haha.

Ezéchiel 11:17

Aman i da ɓicka ta a deɓa te ndev ndohi herkeda, te kokwar man i ksar ta a pa, a i ɓic ta a i va ta kokwar Israel.

Ezéchiel 36:33

Gar haha Bi Zhiklè a gaɗa: A pats man i da pan kinè te mali kinè tèlèba, i da pe ta ndohi a kokwar zaʼa, a i da ɗèɗèyè diki zaʼa.

Zacharie 10:6

I va ta wuɗi a ndohi gi Juda, a i takaha ta ndohi gi Joseph, a i helka ta a deɓa a ngwai, te man ta siyè te va. A gi ara man i kwol ta ɓi pal ba. Aman iyè, Ndo nzi pèc pècèk, i Zhiklè tengaʼa, i woya a i cè ntsi ri tengaʼa.

Mal. 1:11

A hünkoɗi a sam man pats a vangka te pa, a ndè a sam man pats a kèlè a pa, nzlembaɗ ga mbiaʼa a sam ndohi herkeda. A sam tèlèba ta ndarayè skwi shèɗèɗèʼa a nzlembaɗ ga. Aman nzlembaɗ ga mbiaʼa a sam ndohi herkeda, Zhiklè bi mbiaʼa a gaɗa.

Deutéronome 30:3

te deɓaʼa Ndo nzi pèc pècèk, Zhiklè ngaya, a da helka ta ɓèlèlihi a deɓa, ka da sia te va, a da ɓic kinè a deɓa te ndev ndohi herkeda man Ndo nzi pèc pècèk, Zhiklè kinè, a nksar kinè a pa.