Zacharie 8:19 - Ma Zhiklè

¹⁹ Zhiklè bi mbiaʼa a goɗ ar haha: Njèkè skwi nʼndai a ki mafaɗaʼa, mazlamaʼa, matsaraɗaʼa, makulaʼa, da gu a skwi mwuffè a sam ndohi gi Juda, a ngolala mwuffè. Gar haha va-woy ma nzuraʼa, va-woy gumai!

Zacharie 8:19 ပူးပေါင်းရင်းမြစ်များ

II Rois 25:1

Aman Sédécias a ngu bi te mvi 9, a ki 10, te mʼmèn 10, bi Nebucadnetsar, bi Babylone, a mshkè a nda ndohi var nengaʼa tèlèba, a ta nza na a ma kokwar Jérusalem, a ta tèuda zlazlar kokwar a pa a kolongwi var.

II Rois 25:25

A ki 7, Ismael, kra Nethania, kra Elishama, te verzi bai, a nda ndohi ngiɗè 10, ta keɗa Guedalia, a mʼmets na, a ndohi Juda a ndohi Chaldée tèlèba man ta zhè a sam na te Mitspa.

Esther 8:17

Te kokwar staɗ staɗ tèlèba, a sam staɗ staɗ tèlèba, man ma bai a ndika a pa, ndohi Juif ta wuffè, ndav ta langlangaʼa, ta gu ngolala, ta ɓica a sam skwi nʼndai. Ndohi kumba te va ndohi nte deɓa ta nde ta a Juifhai. Zlau ndohi Juif a ndza ta.

Esther 9:22

Nasa pats man ndohi Juif ta ngots nshèk va, a ta fen ta mayamhi tengaʼa, a kia man nlèyè tengaʼa a nʼngwode na a mwuffè, a kuɗa a nʼngwode na a dimèsh mwuffe. Sei ta gia a pats ngolala, a pats mwuffè, a ta zlündo skwi mbalai a va ta, a ta va ta skwi a ndohi ntawassaʼa.

Psaumes 30:11

Ndo nzi pèc pècèk, tsenaʼa, i da se ka te va! Ndo nzi pèc pècèk, takahayè!

Psaumes 34:15

do do na auda a sam skwi ambaɓiaʼa, da gau skwi man amba, da woy gumai, da hu a verzi nengaʼa.

Esaie 12:1

A pats nasa ka da gada: Ndo nzi pèc pècèk, i shida ka gèɗ! Ka gu ndav a géɗ ga, te deɓaʼa ka jèkeda ngi ndav, a ka bidyè.

Esaie 35:10

a ndohi man Zhiklè a mpreka ta auda, ta menkaɗa deɓa a ngwi a Sion. Ta hèzlèwè, a mwuffè a hela ta te di dzayaʼa, man a ndiv azɓi a mèdèp. Mwuffè a pombai a feda ta ma; matakwan a nlèyè ta kal ta.

Esaie 51:11

Ndohi man Ndo nzi pèc pècèk a mpreka ta auda, ta da shkè a deɓa a ngwai, a deɓa a kokwar Sion, a ta sli di-mèsh, a wuffede ta a mèdèp. Mwuffë a nwèl va ta da zhè a sam ta; matakwan a nlèyè klèng.

Jérémie 36:6

Aman ka, ka dè a ka jèngè ɗèlèwèr man ka windo ara man i menda ka, a ndohi te gi Zhiklè, ma Ndo nzi pèc pècèk tèlèba, a pats man ta jèkeda skwi nʼndai. Kajènga ta ndohi Juda tèlèba, man ta shkè te kokwar ta.

Jérémie 39:2

Aman Sédécias a ngu bi mvi 11, ki 4, mʼmèn 9, ta zlün kokwar.

Jérémie 52:4

Te deɓaʼa, man a ngu bai te mvi macüɗaʼa, a ki 10, mʼmèn 10, Nebucadnetsar, bi Babylone, a ndohi var nengaʼa tèlèba ta shkè a ta gi var a Jérusalem. Ta nza na ma, a ta dizla kwa a maʼa, a ta tèuda pa.

Ezéchiel 18:8

a vi skwi a nslembolom a jhèɗè mpataka a vaʼa azɓai, ri nengaʼa a gi skwi ambaɓiaʼa azɓai, a bèzlè kita zuraʼa te ndev ndohai,

Ezéchiel 24:1

Ndo nzi pèc pècèk a ngaɗayè, te mvi macüdaʼa, a ki 10, mʼmèn 10, ar haha:

Zacharie 7:3

A ta jhèɗè ndohi mvi skwi a Zhiklè te gi Zhiklè bi mbiaʼa, a ndohi nhadka ma: Nga da lèyè a nga jèkeda skwi nʼndai a ki mazlamaʼa, ara man nga gu a mvi a mvai nʼnzi a zhi ɗè?

Zacharie 7:5

Gaɗa ta ndohi kokwar tèlèba, a ndohi mvi skwi a Zhiklè: Aman kin jèkeda skwi nʼndai, a kin kuɗai, a ki mazlamaʼa, a ki matsaraɗaʼa, tʼhwaɗ mvi 70 ma, kin gu a géɗ ga ɗè?

Zacharie 8:16

Va-gu skwi haha! Vo-goɗ ma nzuraʼa, ngiɗè a sam ngiɗè; va-gu kita zuraʼa tè kokwar kinè!

Zacharie 8:18

Zhiklè bi mbiaʼa a ngaɗayè:

Zacharie 8:3

Ndo nzi pèc pècèk a gaɗa: I dè deɓa a Sion, a i nzi a ndev kokwar Jérusalem. A ta baha na kokwar Jérusalem ‘kokwar nlèɓèslèa’, a za Zhiklè bi mbiaʼa ‘za nkezlaʼa’.

Apocalypse 22:15

Kdadihai, ndohi mʼmbèh skwai, ndohi mphömè, ndohi nkeɗ ndo, ndohi vrai, ndo staɗ staɗ tèlèba man a cèkèlma te ngèɗè, te skwi man ta giaʼa, ta tʼuda.