Zacharie 7:6 - Ma Zhiklè

⁶ Aman kin ndi skwai a kin si skwai, kin ndu a géɗ kinè ka ɓi ɗè, a kin su a géɗ kinè ka ɓi ɗè?

Zacharie 7:6 ပူးပေါင်းရင်းမြစ်များ

I Chroniques 29:22

A pats sa ta ndau skwai, a ta sau skwai, a sam di Ndo nzi pèc pècèk, a mwuffe mbiaʼa. A ta fu Salomon, kra David, a bi zaʼa, sak macecèwaʼa, a ta bada na mbar a gèɗ a ngi bi a sam Ndo nzi pèc pècèk. A ta fu Tsadok a ndo mvi skwi a Zhiklè.

Esaie 43:23

Tambak man ka zloho ka vay a iyè ka ɓai. Ka vay skwi a ka ndaray skwi ka ɓai. Skwi man ka va na Zhiklè, vodzok man a zhkè amba, i fa ka a gèɗ ɓai.

Esaie 58:3

Ta gada: Aman ka rka ɓai, nga jèkeda skwi nʼndi èhèmè? Aman ka shid gèɗ a vna azɓai, nga ga na va nga èhèmè? Na haha, a pats man kin jèkeda skwi nʼndai, kin jèjèr ntétékè kinè, akin vas ta ndohi mizlinè kinè tèlèba.

Osée 8:13

Nzli skwi a Zhiklè ambaha ta. Ta zlèhaʼa, aman ta ndeda zluèɗ a ma. Ndo nzi pèc pècèk a wuffè a géɗ tengaʼa azɓai. Antanta a da hér mali ta, a da ga ta kita a géɗ mali ta. Sèi ta minè a deɓa a kokwar Egypte.

Osée 9:4

Te deɓaʼa ta da va na skwi nsi a Ndo nzi pèc pècèk azɓai, ta da zla na skwi azɓai. Movar man ta ndiaʼa ta lèyè a géɗèʼa. Tèlè man ta ndiaʼa, a lizhèma ta ndav. Movar tengaʼa a ngeza ta a hwaɗ ta genè, aman ta vi a gi Ndo nzi pèc pècèk azɓai.

Zacharie 7:5

Gaɗa ta ndohi kokwar tèlèba, a ndohi mvi skwi a Zhiklè: Aman kin jèkeda skwi nʼndai, a kin kuɗai, a ki mazlamaʼa, a ki matsaraɗaʼa, tʼhwaɗ mvi 70 ma, kin gu a géɗ ga ɗè?

Zacharie 7:7

Ma haha Ndo nzi pèc pècèk a goɗ te ma ndohi nhadka ma nengaʼa zlèzlèʼa ka ɓi ɗè, aman ndohi ta nza te Jérusalem, te kokwarhi a tsagi nengaʼa dai, a ta nza te pa a gumai, ko te kokwar Négeb a Shéphela, ndo te pa.

1 Corinthians 10:31

Ko kin ndi skwai, ko kin si skwai, skwi ko mèmè man kin giaʼa, va-gau tèlèba, aman kin slébèrdè Zhiklè.

Deutéronome 12:7

A kin ndi skwi te pa, a kin wuffè a sam Ndo nzi pèc pècèk, Zhiklè kinè, kinè a gwoli kinè, a géɗ skwi ri kinè, man Ndo nzi pèc pècèk, Zhiklè kinè, a mpshè kinè ma a vna.

Deutéronome 14:26

A ka humbaɗa sulai a skwi man ndav ngaya a woyaʼa: zlè, tambak, barassa, zom, skwi mèmè man ndav ngaya a woya tèlèba, a ka ndia te pa, a sam Ndo nzi pèc pècèk, Zhiklè ngaya, a ka wuffè, kinè a ndohi gi ngaya.

Colossiens 3:17

Skwi tèlèba man kin giaʼa, ko a ma, ko a mizlinè, va-gu tèlèba a nzlembaɗ Bai Yèsu Kristi. Va-shüd gèɗ a Bab Zhiklè te nengaʼa!

I Samuel 16:7

Aman Ndo nzi pèc pècèk a ngaɗa na Samuel: Ndo da ga ka di ɗokɗoka ɓai! Ka hur a géɗ ndo ngurèa ɓai! I woy nengaʼa ɓai. Zhiklè a woy ndo te di azɓai, ara man ndohi ta woyaʼa. Ndohi ta woy ndo te dai; aman Zhiklè a pi di a ndav.