Zacharie 7:5 - Ma Zhiklè

⁵ Gaɗa ta ndohi kokwar tèlèba, a ndohi mvi skwi a Zhiklè: Aman kin jèkeda skwi nʼndai, a kin kuɗai, a ki mazlamaʼa, a ki matsaraɗaʼa, tʼhwaɗ mvi 70 ma, kin gu a géɗ ga ɗè?

Zacharie 7:5 ပူးပေါင်းရင်းမြစ်များ

II Rois 25:23

Bihi ndohi var, a ndohi tengaʼa, ta tsenaʼa, ara man bi Babylone a mfeda Guedalia a tsuvom ta. A ta shkè a sam Guedalia a kokwar Mitspa. Tengaʼa man ta shkè: Ismael, kra Nethania, Jochanan, kra Kareach, Seraja, kra Thanhumeth, te Nethopha, a Jaazania, kra Maacath; tengaʼa a ndohi tengaʼa.

II Rois 25:25

A ki 7, Ismael, kra Nethania, kra Elishama, te verzi bai, a nda ndohi ngiɗè 10, ta keɗa Guedalia, a mʼmets na, a ndohi Juda a ndohi Chaldée tèlèba man ta zhè a sam na te Mitspa.

Esaie 43:23

Tambak man ka zloho ka vay a iyè ka ɓai. Ka vay skwi a ka ndaray skwi ka ɓai. Skwi man ka va na Zhiklè, vodzok man a zhkè amba, i fa ka a gèɗ ɓai.

Esaie 58:3

Ta gada: Aman ka rka ɓai, nga jèkeda skwi nʼndi èhèmè? Aman ka shid gèɗ a vna azɓai, nga ga na va nga èhèmè? Na haha, a pats man kin jèkeda skwi nʼndai, kin jèjèr ntétékè kinè, akin vas ta ndohi mizlinè kinè tèlèba.

Jérémie 25:11

Herkeda haha tèlèba a di a gédèsh na, a lèyè, a ndohi kokwar haha sèi ta gi ɓèl bi Babylone, mvi 70.

Jérémie 29:10

Ndo nzi pèc pècèk a goɗ ar haha: Aman mvi 70 klèng te Babylone, i dè a sam kinè, a i da gi a sam kinè ara ma ga mbelaʼa, a i da helka kinè a deɓa a haha.

Jérémie 52:12

A ki 5, mʼmèn 10, mvi 19 man Nebucadnetsar, bi Babylone, bai, Nebuzaradan, bi ndohi sojè, nengaʼa man a zhè a tsagi bi Babylone, a ndo a kokwar Jérusalem,

Daniel 9:2

iyè Daniel, i wor te ɗèlèwèr a géɗ nʼngér mvai man Ndo nzi pèc pècèk a goɗ te ma Jérémie, ndo nhadka ma, te deɓ man Jérusalem a mbeɗ na: mvi 70.

Osée 7:14

Ta kuɗau a sam ga a ma genè, a ndav tèlè ka ɓai, aman ta manahi a matakwan. Ta gi zlau a géɗ dau a iyam nyi wof, a ta gi mèdègèɗ a sam ga.

Zacharie 1:12

Gol Ndo nzi pèc pècèk a ngaɗa: Zhiklè bi mbiaʼa, Jérusalem a kokwarhi Juda ta da se ka te va a ngèmè? Ka gu ndav a géɗ tengaʼa mvi 70 ma.

Zacharie 7:3

A ta jhèɗè ndohi mvi skwi a Zhiklè te gi Zhiklè bi mbiaʼa, a ndohi nhadka ma: Nga da lèyè a nga jèkeda skwi nʼndai a ki mazlamaʼa, ara man nga gu a mvi a mvai nʼnzi a zhi ɗè?

Zacharie 7:4

Zhiklè bi mbiaʼa a ngaɗayè:

Zacharie 7:6

Aman kin ndi skwai a kin si skwai, kin ndu a géɗ kinè ka ɓi ɗè, a kin su a géɗ kinè ka ɓi ɗè?

Zacharie 8:19

Zhiklè bi mbiaʼa a goɗ ar haha: Njèkè skwi nʼndai a ki mafaɗaʼa, mazlamaʼa, matsaraɗaʼa, makulaʼa, da gu a skwi mwuffè a sam ndohi gi Juda, a ngolala mwuffè. Gar haha va-woy ma nzuraʼa, va-woy gumai!

Matthew 23:5

Aman skwi tèlèba ta gi a sam di ndohi genè. Ta ngreda ɗèlèwèr mbiaʼa, man ta tsi ri a vna, a bècècèr maslaka mbiaʼa.

Matthew 6:16

Aman kin jèkeda skwi nʼndai, kin da gursa di ɓai, ara ndohi nʼngwèdè ndo. Tengaʼa ta min dai, aman ndohi ngiɗè ta rkaʼa, ara man ta jèkeda skwi nʼndai. A vava i gaɗa kinè: Ta ngots skwi ntul ta ma.

Matthew 6:2

Aman ka vi skwai, ka baheda ɓai, ara ndohi nʼngwèdè ndo ta giaʼa te gi-njèn-gè-ma-Zhiklè, a civèɗ, a ta woy a ndohi ta slebarde ta. A vava i gaɗa kinè: Ta ngots skwi ntul ta ma.

Matthew 6:5

Aman kin tsi rai, kin gu ara ndohi nʼngwèdè ndo ɓai, man ta woy a ta zlècè, a ta tsi ri te gi-njèngè-ma-Zhiklè, a zolom civèɗ, a ta woy a ndohi ngiɗè ta rka ta. A vava i gaɗa kinè: Ta ngots skwi ntul ta ma.

1 Corinthians 10:31

Ko kin ndi skwai, ko kin si skwai, skwi ko mèmè man kin giaʼa, va-gau tèlèba, aman kin slébèrdè Zhiklè.

2 Corinthians 5:15

A nengaʼa a mʼmets na te di man a ndohi tèlèba, a géɗ man ndohi a nshèffè ta da nzi a nshèffè man a tengaʼa genè ka ɓai, aman a géɗ nengaʼa man a mets na, a nslambaɗkaɗauda a géɗ tengaʼa.

Colossiens 3:23

Skwi tèlèba man kin giaʼa, va-gau a ndav tèlèba, ara man a Bi Zhiklè, a ndohi genè ka ɓai.