Zacharie 7:11 - Ma Zhiklè

¹¹ Amán babhi kinè ta woy a ta gi arsa ɓai; ta sassaya ndav ta, ta ndè zlembaɗ ta.

Zacharie 7:11 ပူးပေါင်းရင်းမြစ်များ

II Chroniques 33:10

Ndo nzi pèc pècèk a ngaɗa na Manassé a ndohi nengaʼa. Aman ta fa na zlembaɗ ɓai.

Néhémie 9:17

Ta woy a ta tsena ɓai, ta hur nrkedi man ka gu a sam ta ɓai. Ta Sala va ta, a ta woy tsuvom ta man a de ta a deɓa a kokwar Egypte. Aman ka, Zhiklè man a prè malai, man a vi pombai, man ndo a sia te va, a ka gi ndav tsam tsam, azɓai, man ka zhèr skwi a dai, ka jèke ta a pa ɓai.

Néhémie 9:26

Aman ta gu mèdègèɗ, a ta slambaɗa ka va. Ta kwola ma kita ngaya, ta bazl ta ndohi nhadka ma man ta bidka ta a deɓa, a ta derde ka kumba.

Néhémie 9:29

Ka ngatsa ta maya, ka woy a ka helka ta a deɓa a sam ma kita ngaya. Aman tengaʼa ta gre gèɗ, ta tsena ma kita a ma nkwèr ngaya bai. Ta gu malai a sam ma man a va na nshèffè a ndo man a jèjèrèʼa. Ta gu ma, ta Sala va ta, a ta gu mèdègèɗ, ta woy a ta cinè ɓai.

Exode 10:3

A Moise a Aaron to do a sam Pharaon a ta gada na: Ndo nzi pèc pècèk, Zhiklè ndohi Hébreu, a gada: Ta ngèmè ka woy a ka manda gèɗ ngaya a hi azɓai a sam ga? Va ta civèɗ a ndohi ga, a ta da slèbèrdyè!

Esaie 28:12

Nengaʼa man a gaɗa ta: Na haha nshèk va! Va-va na nshèk va a ndo man ntulè a keɗaʼa, nasa man a pra na ma dara va. Aman ta woy a ta cinè ɓai.

Esaie 46:12

Va-tsena ma ga, kinè man ndav kinè mʼmbeɗ na, man kinè dra a sam skwi mʼmbel ndo.

Esaie 6:10

Sassaya ndav ndohi haha, ndèma ta zlembaɗ, ndèma ta dai, a ta rka di ɓai, a ta tsena zlembaɗ ɓai, a ndav tengaʼa a ngècè may a azɓai, ta da menkaɗa deɓa asaɓai, a ta mbél ta azɓai.

Esaie 65:12

i woya a i zlinda kinè tsakwal, a kin tè-lèba kin güɓdè deɓ a hai a sam man ta bazl kinè a pa. Aman i boho, kin mbeɗay a pa ɓai; aman i godo, kin tsena ɓai; aman kin gau skwi man ambaɓai a sam ga, a skwi man i woya ɓai kin woya holholaʼa.

Jérémie 11:10

Ta men ta a deɓa a sam mali babhi ta man ta gu mèdègèɗ a sam ma ga, a to do a verzi zhiklèhi mbèh skwai, a ta gu mizlinè tengaʼa. Ndohi Israel a ndohi Juda ta tawaɗaha nderzlè-ma man i derzla a nda babhi ta.

Jérémie 13:10

Ndohi ambaɓihiaʼa haha, man ta woy a ta tsena ma ga ɓai, ndohi man ta jèjèr ndav tengaʼa man nsassay a, a ta jèjèr zhiklèhi ngiɗè tsaɗ, a ta tsi ri a tengaʼa, a ta gurɓahi a sam tengaʼa, ta da ndi arsa lèmèlèmè ara skwi deɓ haha man amba a ta gi skwa a vna asaɓai.

Jérémie 17:23

Aman ta tsena ɓai, ta fa zlembaɗ ɓai, ta sassaya di ta, ta woy a ta tsena ɓai, ta woy a ta cè ma man i njè ta ɓai.

Jérémie 17:27

Aman kin da tsena ma ga ɓai, kin kezla pats nshèk va ɓai, a kin zhɗɓ skwi a gèɗ, a kin bizhè a ntamagi Jérusalem a pats nshèk va a vna, i da fa na vogwa a ntamagi nengaʼa, a da ndeda gihi bi te Jérusalem a ma, a mbècè azɓai.

Jérémie 19:15

Gar haha, Zhiklè bi mbiaʼa, Zhiklè Israel, a gaɗa: Na haha i da ga na matakwan tèlèba a kokwar haha, a kokwar man a tsagiaʼa, man i guv ta a vna, a géɗ man ta ndohi mèdègèɗ, a ta tsena ma ga ɓai.

Jérémie 35:15

I zlinda kinè ɓèlèlihi ga, ndohi nhadka ma, i zlinde ta a ta wurra na va a prèk te gai, a i gaɗa: Va-menkada deɓa, staɗ staɗ tèlèba te civèɗ mali na; va-tila skwi man kin giaʼa, kin dzodzor zhiklèhi ngiɗè ɓai, a kin tsu ri a tengaʼa ɓai, aman va-nza tʼherkeda man i va kinè, a i va ta babhi kinè! Aman kin fa na zlembaɗ ɓai, kin tsena ma ga ɓai.

Jérémie 36:31

I gi kita a géɗ nengaʼa, a géɗ ndohi te verzi nengaʼa, a géɗ golahi nengaʼa, a géɗ mali ta. I da ngwoda ta skwi ambaɓiaʼa man i gaɗdahai a gèɗ a tengaʼa, man ta fa na gèɗ ɓai, a gèɗ a ndohi Jérusalem, a ndohi Juda.

Jérémie 42:21

I gaɗa kinè a patsna. Aman kin tsena ma Zhiklè kinè ɓai te skwi tèlèba man a gaɗa kinè te ma ga!

Jérémie 44:16

Ma man ka menda nga a nzlembaɗ Ndo nzi pèc pècèk, nga fi gèɗèʼa azɓai.

Jérémie 5:21

Kinè ndohi nrzlaʼa, man maya kinè azɓai, va-tsena ma haha! Di kinè a zhè, kin rka ɓai; zlembaɗ kinè a zhè, kin tsena ɓai.

Jérémie 5:3

Ndo nzi pèc pècèk, di ngaya a woy ncèkèlma ɗè? Ka tse ta, a dzaha ta azɓai. Ka zler ta a sak, ta woy a ta tsena ɓai. Ta shfa di ta a fena kwa, ta woy a ta ngwoda ndav ta ɓai.

Jérémie 7:24

Aman ta gu mèdègèɗ, ta fa zlembaɗ a ma ga ɓai, ta dzodzor ndav tengaʼa man ambaɓai, ta ngwodkay deɓa, ma ka ɓai.

Jérémie 7:26

Aman ta tsena ɓai, ta fa zlembaɗ ɓai, ta sassaya ndav ta, ta gu malai a fena babhi ta.

Jérémie 8:5

Ndohi haha ta men ta a deɓa èhè-mè? Jérusalem a mʼmen na a deɓa a mèdèp èhèmè? Ta ghsè va a ncèkèlma, a ta woy a ta ngwèdè ndav azɓai.

Ezéchiel 14:5

A i da mbeɗama ta ndav a ndohi Israel, tengaʼa man ta jèkyè, a gèɗ vri tengaʼa kumba.

Ezéchiel 3:7

Aman ndohi Israel ta woy a ta tsena bai, ta fi zlembaɗ a ma ga azɓai; aman gèɗ ndohi Israel tèlèba nshfaʼa ndav tengaʼa ngwora.

Ezéchiel 5:6

Te man nengaʼa a ngu mèdègèɗ, a ta tawaɗaha ma kita ga, a shèwa a fena ndohi nte deɓa. A ta kwola ma nkwèr ga, ta dzadzara bai, a fena ndohi te kokwar man a tsagiaʼa.

Daniel 9:5

Nga gu malai, nga gau ambaɓai, nga woy ka ɓai, nga kwol ka, nga jèkeda ma nkwèr ngaya, a ma ngaya man a de nga.

Osée 4:16

Israel a ntsena gèɗ ɓai, ara kɗèh, a Ndo nzi pèc pècèk a lè ta zaʼa ara tambakihi a sam daʼar ɗè?

Sophonie 3:2

A cinè ma ndo azɓai, a cè azɓai aman ta ngatsa na maya, a pa ndav a Ndo nzi pèc pècèk ɓai, a nherda na va a Zhiklè nengaʼa ɓai.

Zacharie 1:4

Kin gu ara babhi kinè ɓai, man ndohi nhadka ma ta njè ta ma zlèzlèa: Zhiklè bi mbiaʼa a goɗ ar haha: Vajèkeda civèɗ kinè man ambaɓai, a mizlinè kinè man ambaɓai! Aman ta gu mèdègèɗ, ta fu gèɗ a ma ga ɓai, Ndo nzi pèc pècèk a gaɗa.

Matthew 13:15

Aman ndav ndohi haha nsassaya, a ta pizlè di ta, aman ta rka di ɓai, aman ta tsena zlembaɗ bai, aman ta sun te ndav bai, a ta woy a ta menkada deɓa a i da mbel ta ɓai.

Actes 7:51

Kinè ndohi mèdègèɗ, ndav kinè a zlembaɗ kinè ntil ɓai, kin Sala na va a gèɗ a Mèzhèɓ Zhiklè nkezlaʼa pèc pècèk, lèmèlèmè ara babhi kinè.

Actes 7:57

A ta hè-zlèwè a ta pizlè zlembaɗ ta, a ta humda na va a gèɗ,

Hébreux 12:25

Va-gu maya, kin kwola ma nengaʼa man a gèɗè ɓai! Aman tengaʼa man ta kwola nengaʼa, man a goɗ tʼherkeda, ta mbel ta ɓai, holholaʼa aman nga kwola nengaʼa man a gèɗè te zhiklè.