Zacharie 6:15 - Ma Zhiklè

¹⁵ Ndohi man ta zhè a sam ndraʼa, ta da shkè, a ta rèm gi Ndo nzi pèc pècèk. A kin da suna, Zhiklè bi mbiaʼa a nzlindkayè. Skwi haha a da gai, aman kin fi gèɗ a ma Ndo nzi pèc pècèk, Zhiklè kinè a vava.

Zacharie 6:15 ပူးပေါင်းရင်းမြစ်များ

Esaie 3:10

Va-gaɗa na ndo nzuraʼa: Mwuffè a sam ngaya! Aman nengaʼa a da ngècè skwi ntul mizlinè na.

Esaie 49:12

Na haha ndohi ngiɗè ta shkè dra, ndohi ngiɗè ta shkè te civèɗ man a géɗèʼa, te civèɗ dukwaɗ, ndohi ngiɗè te kokwar ndohi Sinim.

Esaie 57:19

Ta da gèɗè ma malwuɗai, ma gumai a ndohai, ko ndohi dra, ko ndohi ndul ndul; a i mbel ta, Ndo nzi pèc pècèk a gaɗa.

Esaie 60:10

Ndohi man verzi ta tsaɗ ta da rèm zlazlar kokwar ngaya, a bihi tengaʼa ta da gi mizlinè ngaya. I gu ndav, a i tse ka; aman mwoy-ndo ga a gi a ka siyè te va.

Jérémie 7:23

Sèi skwi haha man i dzhaɗ ta: Va-tsena ma ga; i da gi a Zhiklè kinè, a kin gi a ndohi ga, a kin dè a civèɗ man i njè kinè tèlèba, a kin nzi amba amba.

Zacharie 2:13

Herkeda tèlèba da nza tètè a sam di Ndo nzi pèc pècèk! Aman anai a slèmbèɗè a sam nʼnzi na nkezlaʼa.

Zacharie 3:7

Zhiklè bi mbiaʼa a gaɗa: Aman ka woy a ka dè a civèɗ ga, a ka da gi skwi tèlèba man i gaɗa ka, ka da kwèr gi ga a ka gi kita ndohi ga, a i ge ka a ndo nshèlèkuraʼa te va ndohi haha.

Zacharie 6:12

a ka gaɗa na: Zhiklè bi mbiaʼa a gaɗa: Na haha ndo man nzlembaɗ na ‘skwi a fcè’. Aman tʼhwaɗ sak na, skwi a fcè, a nengaʼa a da rèm gi Zhiklè.

Actes 2:39

Skwi man Zhiklè a mpasla kinè rai, skwi kinè, a wudahi kinè, a ndohi tèlèba man ta dra, tèlèba man Bai, Zhiklè nga, a woy a mbaha ta.

Romans 16:26

nʼngreda auda a ɗèlèwèr ndohi nhadka ma antanta. Bi Zhiklè man a nzi a mèdèp a goɗ aman ta senda ta ndohi nte deɓa, aman ta cè a ndav a ta fi gèɗèʼa.

Deutéronome 30:10

Aman sèi ka da fi gèɗ a daʼai Ndo nzi pèc pècèk, Zhiklè ngaya, a ka jèjèr ma nkwèr nengaʼa a ma kita nengaʼa, mwindèa te ɗèlèwèr ma kita haha; a ka menkada deɓa a sam Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba.