Zacharie 4:14 - Ma Zhiklè

¹⁴ Nengaʼa a ngaɗa: Nasa tengahi cèw, man i bada ta mbar a gèɗ, a ta zlècè a sam Bi Zhiklè herkeda tèlèba.

Zacharie 4:14 ပူးပေါင်းရင်းမြစ်များ

I Rois 17:1

A Elie, ndo Thishbé, te Galaad, a ngaɗa na Achab: Ara man Ndo nzi pèc pècèk, Zhiklè Israel, a zhè, man i gi mizlinè nengaʼa, a mvi a mvai a haha, iyam a shkè azɓai, minmèn a gshè géɗ sam azɓai, sèi man i da goɗa.

Esdras 5:2

A Zorobabel, kra Shealthiel, a Josuè, kra Jotsadak, ta slambaɗa a ta hüno nrèm gi Zhiklè te Jérusalem. Ndohi nhadka ma Zhiklè ta zhè a nda tengaʼa a ta nza ta a deɓa.

Psaumes 110:4

Ndo nzi pèc pècèk a mʼmbaɗa, nengaʼa a ngwèdè ma na azɓai. Ka ndo mvi skwi a Zhiklè a mèdèp, lèmèlèmè ara Melchisédek.

Psaumes 2:6

Iyè man i feda bi ga a Sion, a géɗ za ga nkezlaʼa.

Psaumes 89:20

Te va nasa ka gaɗa ta ɓèlèlihi ngaya te nshunè, a ka gaɗa: I pada na gèɗ a ngul ndo, te va ndohai i ngotskoɗauda staɗ a i gaʼa a mbiaʼa.

Exode 29:7

Co mbar man ta fèɗè a deb skwai, bada na a gèɗ, a ka faɗa na a gèɗ arsa.

Exode 40:15

Te deɓaʼa ka faɗa ta mbar a gèɗ, ara man ka faɗa na mbar a gèɗ a bab ta, a ta gi a ndohi mvi skwi a Zhiklè a sam ga. Aman ka faɗa ta mbar a gèɗ, a ka pe ta a mizlinè mvi skwi a Zhiklè a mèdèp, a ndè a ma ma te verzi tengaʼa tèlèba.

Esaie 5:1

I woya a i sla na dimèsh a mandal ga, ara man a wuffè a gèɗ gi wof barassa na. Mandal ga a nʼngots gi wof barassa. Skwi a gi te pa kumba.

Esaie 54:5

Nengaʼa man a nge ka, baki ngaya; nzlembaɗ na Zhiklè bi mbiaʼa, Zhiklè Israel nkezlaʼa, man a mbel ka. Ta baha na Zhiklè herkeda tèlèba.

Jérémie 49:19

Na haha ara marizhèlè a shkè auda a dzah woyam Jourdain, a sam nʼnzi nengaʼa te va nhèyè wof. Tsam-tsam a gi a Edom a hi na. A i da fi nengaʼa man i ngotskoɗauda a bi nengaʼa. Ngar iye wa? Nʼnjèy ma a gèɗ, wa? Bi man a salay va a gèɗ, wa?

Lèv. 8:12

Te deɓaʼa a mbada na mbar a gèɗ a Aaron, a ngi a ndo nkezlaʼa.

Michée 4:13

Slambaɗa, dem Sion, kuzlo dau! I va ka mbelau züdo a rai, a i va ka kotokoroh züdo a sak, a ka kerɗ ta ndohi herkeda kumba a sak. Skwi ndumè ka da va na Ndo nzi pèc pècèk, skwi mèshèlè tengaʼa ka va na bi a géɗ ndohi herkeda tèlèba.

Zacharie 6:13

A da rèm gi Zhiklè, a da gi a bai, a da nzi a géɗ sam nʼnzi bi na, a ngi bai. Ndo mvi skwi a Zhiklè a zhè a tsagi nengaʼa, te civèɗ ri mandai, a ta nzi a gumai, cèw ba.

Zacharie 6:5

Gol Zhiklè a mʼmbeɗayè a ma: Tengaʼa ta hi a tsagi herkeda faɗ ara kozlar, te deɓ man ta zlatsa a sam di Bi Zhiklè herkeda tèlèba.

Luke 1:19

A gol Zhiklè a mʼmbeɗa na a ma: Iyè Gabriel, man i zlatsa a sam di Zhiklè. Nengaʼa a nzlindekayè man i gaɗa ka ma haha. A i ngreda ka ma mbela haha.

Deutéronome 10:8

Te ndev nasa Ndo nzi pèc pècèk a mparka ta ndohi Lévi auda, aman ta zuɓ koti nderzlèma Ndo nzi pèc pècèk, aman ta zlècè a sam di Ndo nzi pèc pècèk, ara ndohi mizlinè nengaʼa, a ta pshè ta ma ndohai a nzlembaɗ na, ha patsna.

Josué 3:11

Na haha koti nderzlè-ma Zhiklè nga, Zhiklè a géɗ herkeda tèlèba, a dè tèwèdè woyam Jourdain a ma kinè.

Josué 3:13

Aman sak ndohi mvi skwi a Zhiklè man ta zuɓ koti nderzlè-ma Ndo nzi pèc pècèk, Zhiklè a géɗ herkeda tèlèba, ta mbècè a iyam Jourdain, iyam Jourdain a da ngel na, a woyam man a hakaɗi te géɗèʼa, a zlècèhi ara zlazlar.

Apocalypse 11:4

Ndohi ncèwa sa, tengaʼa wofhi tsna cèw a sam nfi vogwa cèw, man ta zlatsa a ma Bi Zhiklè man a kwèr herkeda.

I Samuel 10:1

Samuel a nco gatsak mbar, a mbada na a gèɗ a Saul, a nhumbateda a ndav, a ngaɗa: Ndo nzi pèc pècèk, man a faɗa ka mbar a gèɗ, aman a ge ka a bi ndohi Israel nengaʼa. Gu bai a géɗ ndohi Ndo nzi pèc pècèk, a ka mbel ta te ri mayamhi tengaʼa man ta tèuda a pa. Na haha skwi man a ngra ka, Ndo nzi pèc pècèk a mfaɗa ka mbar a gèɗ, aman a ge ka a bi a géɗ skwi na:

I Samuel 16:1

Ndo nzi pèc pècèk a ngaɗa na Samuel: Ka lèyè Saul tè ngèmè? I kwola ma, i goɗ da gau bi Israel asaɓi ma. Ndheda mbar a gatsak, do, i woy a i zlinde ka a sam Isai, ndo Bethléhem. I ngots te va wudahi nengaʼa staɗ a bai.