Zacharie 3:9 - Ma Zhiklè

⁹ Na haha, kwa man i fedahi a sam Josué, di a pa tsaraɗ. Na haha iyè i windè skwi a pa, Zhiklè bi mbiaʼa a gaɗa. I cè mali herkeda haha auda a pats staɗ.

Zacharie 3:9 ပူးပေါင်းရင်းမြစ်များ

I Rois 1:20

Ndohi Israel tèlèba ta pi di a ka, bi ga, aman ka da ngra ta, nda nzi a géɗ sam nʼnzi bi te deɓ ngaya wa?

II Chroniques 16:9

Aman Ndo nzi pèc pècèk a ngél di a géɗ herkeda tèlèba, a ngra ta wuɗi na a sam tengaʼa man ta pu ndav a nengaʼa tèlèba. A haha ka gu skwi a nrzlè. Aman antanta ha ndè a ma ma, sèi ka gi var mènè.

Psaumes 103:12

Ara man nvangkaɗ pats na dra a sam nkèl pats, lèmèlèmè a helda mali nga dra.

Psaumes 118:22

Kwa man ndohi ndizlè gai ta kwolaʼa, nʼngaʼa a kwa nte verziaʼa.

Exode 28:11

A mizlinè ngum kwa ka vèhda nzlèmbaɗ verzi Israel a kwa cèw, ara man ndohi ngum skwai ta giaʼa. A ta tseda guro a pa.

Exode 28:21

A woy kwa 12, ara nzlèmbaɗ verzi Israel 12. Ta vèhda nzlèmbaɗ verzi Israel a pa, ara man ndohi ngum kwa ta giaʼa, nzlèmbaɗ staɗ a deb kwa staɗ.

Exode 28:36

Geda lamba a medi a guro, a ka vèhda a pa, ara man ndohi ngum skwai ta giaʼa: Nkezlaʼa a sam Ndo nzi pèc pècèk!

Esaie 28:16

A géɗ nengaʼa Zhiklè Ndo nzi pèc pècèk a gaɗa: Na haha, i tilda kwa a Sion, géɗ kwa, verzi kwa mbelaʼa. Ndo man a nco nengaʼa a ndav, skwa a tsama na sak azɓai.

Jérémie 31:34

Ngidè a slebda na nslamagi na azɓai, kramam ngiɗè a slebda na kramam na azɓai, a ngaɗa: Va-sun Ndo nzi pèc pè-cèk! Aman tengaʼa tèlèba ta da senyè, ko nkèshèa, ko mbiaʼa, Ndo nzi pèc pècèk a gaɗa. Te deɓaʼa i da pra ta mphömè ta, i da hér mali tengaʼa asaɓai.

Jérémie 50:20

A pats nasa, te ndev nasa, Ndo nzi pèc pècèk a gaɗa, ta da woy mphömè Israel; aman nʼasaɓai. Ta da woy mali Juda; ta da ngècè asaɓai, te man i da pre ta, a njèkèɗi man i jèka ta.

Zacharie 13:1

A pats nasa nlèlè iyam a zhè a sam ndohi gi David a ndohi Jérusalem, a pènè malai a skwi nlizhèʼa.

Zacharie 3:4

Gola a ngaɗa ta golahi ntakaha a sam na: Va-suɗa na maslaka nlizhèʼa auda a va! A ngaɗa na: Na haha, i ca ka mali auda a va. Va-va na maslaka ngolala a va!

Zacharie 4:10

Tengaʼa man ta rka nhin skwai ara skwi nkèshèʼa, ta da wuffè tèlèba, man ta rka kwa ntatak te ri Zorobabel. Di ntsaraɗa haha, di Ndo nzi pèc pècèk, man a ngél di a géɗ herkeda tèlèba.

Jean 1:29

Te mangoslèmaʼa Jean a rka, Yèsu a shkè a sam na, a ngaɗa: Na haha, kra tambak Zhiklè, man a cè mali herkeda!

Jean 6:27

Kin gu mizlinè a géɗ skwi nʼndi man a di agédèsh na ɓai, aman a géɗ skwi man a va kinè nshèffè a mèdèp, nengaʼa man kra-ndo a di a va kinè, kra-ndo man Zhiklè, Bab na, a tsoko na va,

Actes 4:11

Nengaʼa kwa man kinè, ndohi nɗizlè gai, kin kwolaʼa; nʼngaʼa a kwa te verziaʼa.

Romans 9:33

ara man ɗèlèwèr Zhiklè a gaɗa: Na haha, i geda kwa ntse sak ndo te Sion, a za man a slafaɗama ta sak. Ko wawa man a cè a ndav na, a ngècè hori a di azɓai.

2 Corinthians 1:22

a ndèda ndav nga a Mèzhèɓ nkezlaʼa, te di skwi man a da va nga.

2 Corinthians 3:3

Kinè, kin ɗèlèwèr Kristi, a nga ngreda auda a mizlinè nga. Ɗèlèwèr ta Windo a skwi mwindè skwi ka ɓai, a deɓ kwa ka ɓai, aman ta windeda a ndav a Mèzhèɓ Zhiklè a nshèffè.

2 Timothy 2:19

Aman Bi Zhiklè a fu verzi man wuɗi na zhè, ma haha mwindèa a pa: Bai Yèsu a sun ndohi na, a ndo man a baha na nzlembaɗ Bai Yèsu, do do auda a sam skwi ambaɓiaʼa.

Hébreux 7:27

Nengaʼa ara bihi ndohi mvi skwi a Zhiklè ngiɗè ka ɓai; nengaʼa a zli skwi a Zhiklè a nciɗ sam a nciɗ sam a géɗ malihi na nshèlèkuraʼa azɓai, ga ta giaʼa a géɗ mali ndohi ngiɗè. Skwi haha a ngau sak staɗ, man a vau nshèffè na a ri na, te deɓaʼa klèng.

1 John 2:2

Nengaʼa skwi mpil gèɗ malihi nga, malihi nga genè ka ɓai, aman mali herkeda tèlèba.

Apocalypse 5:6

A i rka kra tambak te ndev sam nʼnzi bai a skwihi faɗ a nshèffè, a ndohi nhalaʼa; kra tambak sa ara man ta zlama na daʼai ma, a drom tsaraɗ, a di tsaraɗ. Nasa Mèzhèɓhi Zhiklè tsaraɗ man ta zlinde ta a herkeda tèlèba.