Zacharie 3:4 - Ma Zhiklè

⁴ Gola a ngaɗa ta golahi ntakaha a sam na: Va-suɗa na maslaka nlizhèʼa auda a va! A ngaɗa na: Na haha, i ca ka mali auda a va. Va-va na maslaka ngolala a va!

Zacharie 3:4 ပူးပေါင်းရင်းမြစ်များ

II Samuel 12:13

David a ngaɗa na Nathan: I gau malai a sam Ndo nzi pèc pècèk. Nathan a mʼmbeɗa na a ma David: Gar haha Ndo nzi pèc pècèk a mpra ka malai. Ka metsi azɓai.

I Rois 22:19

A Michée a goɗ a vaʼa: Tsena ma Ndo nzi pèc pècèk a vaʼa di mènè! I rka Ndo nzi pèc pècèk, nʼnza a géɗ sam nʼnzi bi nengaʼa, a golahi var Zhiklè tèlèba ta zlatsa a tsagi nengaʼa, te civèɗ ri mandi ba, te civèɗ ri gula ba.

Psaumes 51:9

Panayè mali ga a hysope, a i pana a vava. Panayè, a ndav ga a ngi a nslekadaʼa kudkudèa a fena gogumai.

Esaie 43:25

Iyè, i pana mali ngaya, a gèɗ ngaya ka ɓai, a gèɗ va ga; a i her mali ngaya te deɓaʼa asaɓai.

Esaie 44:22

I kalda mali ngaya ara vanai man kozlar a nkalda; i hela mphömè ngaya ara ndodok. Menkaɗa deɓa a sam ga; aman i sumka ka deɓa ma.

Esaie 52:1

Piɗèkwe ngaya, piɗèkwe ngaya, Sion, sala va ngaya! Jérusalem, feda maslaka wi a va! Ka kokwar nkezlaʼa! Anai ndo man ngwon nʼngel ɓai, ndo man ndav mpan ɓai, a dè a sam ngaya asaɓai.

Esaie 61:10

I woya a i ngrédè mwuffè gà a géɗ Ndo nzi pèc pècèk auda a dimèsh, ndav ga do slubordo Zhiklè ga! Aman nengaʼa a vay skwi mʼmbel ndo a va, ara maslaka, a ngi-zuraʼa a va, ara dawar. Lèmèlèmè ara ntsima man a pèɗè gèɗ, a medemai man a pi skwi wi a va.

Esaie 61:3

A ta ngècè mpèɗè gèɗ te di man a mèrwèc, mbar a va te di man a maslaká sam kuɗa, dimèsh te di man a nlèyè, a ta baha ta ‘wof ngi-zuraʼa’, ‘gi lak Ndo nzi pèc pècèk’, man a nzala va na a vna.

Jérémie 52:33

A mva na maslaka ngiɗè, maslaka dangai ka ɓai, a Jojakin a nʼndau skwi a sam na pèc pècèk, ha a mʼmets na.

Ezéchiel 36:25

Te deɓaʼa i da pan kinè a iyam nkéɗècèʼa, a kin pana. I da pan kinè te skwi man a lizhè kinè tèlèba, te mʼmbèh skwi kinè tèlèba.

Ezéchiel 42:14

Aman ndohi mvi skwi a Zhiklè ta dè a pa, da shkè auda a sam nkezlaʼa a sam nʼngalaʼa tʼuda bai, sèi da suɗda maslaka tengaʼa man ta gu mizlinè a vna, auda te gi dai, te man ta kezla. Sèi ta vi maslaka ngiɗè a va, ga ta dè auda a sam ndohai.

Michée 7:18

Zhiklè, ngar ka wa? Man a keɗa na gèɗ dai a mphömè, a pra ta mali a ndohi nʼndi gi na, a gi ndav a mèdèp azɓai, aman a wuffè a mvi pombai.

Michée 7:19

Nga da sia te va zaʼa, a da kerɗda mali nga a hwaɗ sak na. Ka da wusheda mali nga tèlèba a drav iyam mbiaʼa.

Zacharie 3:1

Te deɓaʼa a ngrayè, ara man Josuè, ndo mvi skwi a Zhiklè mbiaʼa, a nzlatsa a sam gol Ndo nzi pèc pècèk. Sadan a nzlatsa na a tsagai, te civèɗ ri mandai, a mpinèʼa.

Zacharie 3:7

Zhiklè bi mbiaʼa a gaɗa: Aman ka woy a ka dè a civèɗ ga, a ka da gi skwi tèlèba man i gaɗa ka, ka da kwèr gi ga a ka gi kita ndohi ga, a i ge ka a ndo nshèlèkuraʼa te va ndohi haha.

Zacharie 3:9

Na haha, kwa man i fedahi a sam Josué, di a pa tsaraɗ. Na haha iyè i windè skwi a pa, Zhiklè bi mbiaʼa a gaɗa. I cè mali herkeda haha auda a pats staɗ.

Matthew 22:11

Aman bai a mdo a gai, man a rka ta ndohi ngolala nengaʼa, a nrka ndo ngiɗè te pa, maslaka ngolala az a va ɓai.

Luke 1:19

A gol Zhiklè a mʼmbeɗa na a ma: Iyè Gabriel, man i zlatsa a sam di Zhiklè. Nengaʼa a nzlindekayè man i gaɗa ka ma haha. A i ngreda ka ma mbela haha.

Luke 15:22

Aman bab nengaʼa a ngaɗa ta ɓèlèlihi nengaʼa: Va-ckoɗi maslaka mbelaʼa, va-va na a va. Va-va na tèslri a rai, a kin pa na kotokoroh a sak!

Jean 1:29

Te mangoslèmaʼa Jean a rka, Yèsu a shkè a sam na, a ngaɗa: Na haha, kra tambak Zhiklè, man a cè mali herkeda!

Romans 3:22

I gèɗè a géɗ ngi-zuraʼa a sam di Zhiklè, man a shkè te ncè Yèsu Kristi a ndav, a sam ko wawa man a cè a ndav.

Romans 6:23

Skwi ntul malai, mʼmetsai. Aman skwi man nga ngècè te ri Bi Zhiklè, ambalai, nshèffè a mèdèp te Kristi Yèsu, Bi nga.

1 Corinthians 6:11

Ndohi tsaɗ tsaɗ te ndev kinè ta gu arsa zlèzlèa. Aman kin pana, kin kezla, kin gaʼa a ndohi nzuraʼa te nzlembaɗ Bi Yèsu Kristi, te Mèzhèɓ Zhiklè nga ma.

2 Corinthians 5:21

Aman Zhiklè a ndeda nengaʼa man a sun mali ɓi fèt, a malai a géɗ nga, aman te nengaʼa nga da ndi a ndohi nzuraʼa a sam di Zhiklè.

Colossiens 3:10

A kin feda ndo mɓuaʼa a va, man a nʼnge kinè a ndo mɓuaʼa, man a sun skwi Zhiklè tèlèba.

Hébreux 8:12

Ta da siyè te va te skwi man ambaɓai man ta giaʼa, a i woya man i hér mali tengaʼa azɓai.

Apocalypse 5:11

A i rka, a i tsena daʼai golahi Zhiklè kumba. Ta a tsagi sam nʼnzi bai, a skwihi a nshèffè, a ndohi nhalaʼa. Ta ara gozhèm gozhèm kumba,

Apocalypse 7:14

A i gaɗa na: Bi ga, ka, ka suna. A nengaʼa a ngaɗayè: Tengaʼa man ta shkè auda te matakwan mbiaʼa, a ta pana maslaka tengaʼa, a ta slekaɗa maslaka tengaʼa te Pombaz kra tambak.