Zacharie 3:10 - Ma Zhiklè

¹⁰ A pats nasa, ngiɗè a da baha na ngiɗè a gorombi na, a skwi nʼndai, Zhiklè bi mbiaʼa a gaɗa.

Zacharie 3:10 ပူးပေါင်းရင်းမြစ်များ

I Rois 4:25

Juda a Israel ta nza a gumai, staɗ staɗ te gi dau na, te verzi wof na, a hinè te Dan, ha ndè Bersabée, a pats nshèffè Salomon tèlèba.

I Rois 5:5

A i hur i da rèm gi a nzlembaɗ Ndo nzi pèc pècèk, Zhiklè ga, ara man Ndo nzi pèc pècèk a gaɗa na David, bab ga, man a gaɗa na: Kra ngaya man i da nzeda a gèɗ sam nʼnzi bi te di man a ngaya, nengaʼa a da rèm gi a nzlembaɗ ga.

Esaie 32:18

A ndohi ga ta da nzi a sam gumai, a gi man skwa a ga ta te pa azɓai, a sam man ta nzi ɓar-ɓararaʼa.

Esaie 36:16

Kin co ma Ezéchias ɓai! Aman bi Assyrie a goɗ arsa: Ngo-tsokoy gumai, va-shkè kinè a va iyè! Staɗ staɗ te ndev kinè a da ndi dau te gi dau na, a ndi nyi wof barassa a nyi wof kslor na, a si iyam thal na,

Jérémie 32:15

Aman Zhiklè bi mbiaʼa, Zhiklè Israel, a gaɗa: Te kokwar haha ta da shum gi ndohai, gi dau, a gi lak dai!

Osée 2:18

A pats nasa, a da bahayè ‘baki ga’, Ndo nzi pèc pècèk a gada. A bahayè ‘Baal ga’ asaɓai.

Michée 4:4

Staɗ staɗ tèlèba a nza te gi dau na, te verzi wof na, a skwi ngiɗè a pa ta zlau a gèɗ asaɓai, Ndo nzi pèc pècèk Zhiklè bi mbiaʼa a ngoɗ te ma na.

Zacharie 2:11

A pats nasa ndohi herkeda kumba ta da gshè va a Ndo nzi pèc pècèk, a ta ndi a ndohi na. A nengaʼa a da nzi a ndev tengaʼa. A ka da suna, Zhiklè bi mbiaʼa a nzlindkayè.