Zacharie 2:4 - Ma Zhiklè

⁴ Gol sa a ngaɗa na: Hau a ka da gaɗa na ndo ngata: Jérusalem da nza a dalbara, zlazlar nengaʼa azɓai, te man ndohi a skwi man ta da nzi a pa kumba.

Zacharie 2:4 ပူးပေါင်းရင်းမြစ်များ

Esther 9:19

Gar haha ndohi te dak ta ngots pats nshèk va a pats 14 te ki Adar, a ta gu a pats mwuffè, a pats ngolala. Ndohi tèlèba ta zlündo skwi mbalai a va ta.

Esaie 33:20

War Sion, kokwar ngolala nga! Di ngaya a da rka kokwar Jérusalem, sam man ka nzi a pa ɓar-ɓararaʼa. Ka rkaʼa ara gi man ta mbeɗè a hi azɓai, man ta pelèshè azɓai, a skwi a ndi hubat nenga azɓai.

Esaie 44:26

I nzala ma ɓèl ga, a i gi ara man ndohi sak ga ta goɗo. I gaɗa na Jérusalem: Ndo da nza a pa! I gaɗa ta kokwarhi Juda: Da ram kinè zaʼa! Gi man mʼmbeɗ na, da ɗaɗayda pa!

Esaie 49:20

Wudahi ngaya man ka nyaka ta ka ɓai, ta da gada ka dai: Sam a slra nga ɓai; va-nga dalbara a nga nzi a pa!

Esaie 54:16

Na haha i gau ngwozla, aman a vècè vogwa, a viɗè skwi ngi var. I gu ndo ngedassa skwi ba, aman a gedas ta.

Jérémie 1:6

I gaɗa: Aʼai, aʼai, Bi Zhiklè Ndo nzi pèc pècèk, i sun ngèɗè ɓai, i wudahi dai!

Jérémie 31:24

Juda da nza a pa, a kokwarhi nengaʼa tèlèba, a ndohi mpizhè, a ndohi tèlèba man ta lè rèwè.

Jérémie 31:27

Ndo nzi pèc pècèk a gaɗa: Patsaʼa a di a shkè, man i da zleki te Israel, te Juda, tser ndo, tser skwi dak.

Jérémie 33:22

Lèmèlèmè ara man ndo azɓai, man a slaha a nʼngér bantihai te giɗfèk, a nlivè wyak a ma woyam, lèmèlèmè i da zlèzlèmè ndohi te verzi David, ɓèl ga, a ndohi Lévi man ta gi mizlinè ga.

Ezéchiel 38:11

Ka da gaɗa: I dè a i gi var a kokwar man nʼngal te pa ɓai, i dè a sam ndohi gumai man ta nzi amba amba. Ta tèlèba, zlazlar ta azɓai, skwi mɓèr ntamagi a ntamagi kokwar azɓai.

Daniel 1:17

A golahi nfaɗa sa, Zhiklè a mva ta maya nshin ɗèlèwèr tèlèba, a maya tsaɗ tsaɗ. Daniel a slaha a ngredè skwi man a di a shkè, a ngredè verzi nshunè tsaɗ tsaɗ tèlèba.

Daniel 1:4

te verzi bai a ndohi mbibihiaʼa, a gi bai; man va tengaʼa daɓaraʼa, va tengaʼa nsuɗa nekeɗaʼa, maya ta zhè, ta wosla a ta slebau maya, aman aranta ta slaha ta gi mizlinè te gi bai, a ta da shin ɗèlèwèr a daʼai Chaldée.

Michée 7:11

A pats ngiɗè ta da rèm zlazlar gi ngaya zaʼa, a ta herdaha kuma ngaya a deɓa a pats nasa.

Zacharie 1:16

Gar haha Ndo nzi pèc pècèk a gaɗa: Jérusalem a siyè te va zaʼa. Ta da rèm gi ga te pa zaʼa, ta da liv ma kuma nengaʼa zaʼa. Zhiklè bi mbiaʼa a gaɗa.

Zacharie 1:17

Boho a wuɗai a vaʼa arsa! Zhiklè bi mbiaʼa a gaɗa: I da pshè ta ma kokwarhi ga dai. Ndo nzi pèc pècèk a da bidè Sion dai, a da ngècè Jérusalem auda zaʼa.

Zacharie 12:6

A pats nasa i ge ta ndohi Juda ara skwi nvècè vogwa ntsamaʼa, ara skwi ntiv vogwa te va pandar, a ta nde ta ndohi herkeda te civèɗ ri mandai, te civèɗ ri gula, tèlèba a ma. Aman Jérusalem a da nzi a samaʼa.

Zacharie 14:12

Na haha ara man Ndo nzi pèc pècèk a da bazl ta ndohi tèlèba, man ta gi var a Jérusalem: A gi a zluèɗ va tengaʼa a husl na, a di tʼuda. Di tengaʼa a huslka na auda te godobok dai. Nèʼèn tengaʼa a husl na auda te ma.

1 Timothy 4:12

Ndo da paraha ka ɓai, a da gaɗa wudahi di ɓai! Gau aman ndohi ngiɗè, man ta co Zhiklè a ndav ta, ta slaha ta lèmdè va ta a ka, a ma ngaya, a maya nshèffè ngaya, a mwoy-ndo a ndav ngaya, a ncè-a-ndav ngaya, a nʼnzi ngaya.