Zacharie 2:13 - Ma Zhiklè

¹³ Herkeda tèlèba da nza tètè a sam di Ndo nzi pèc pècèk! Aman anai a slèmbèɗè a sam nʼnzi na nkezlaʼa.

Zacharie 2:13 ပူးပေါင်းရင်းမြစ်များ

II Chroniques 30:27

Ndohi mvi skwi a Zhiklè a ndohi Lévi ta slambaɗa, a ta pshè ta ma ndohai, a ntsi ri tengaʼa a ndikè a zhiklè, ha ndè a sam Ndo nzi pèc pècèk nkezlaʼa.

Psaumes 11:4

Ndo nzi pèc pècèk a zhè te gi bi nengaʼa nkezlaʼa. Sam nʼnzi bi Ndo nzi pèc pècèk a zhè te zhiklè. A paka di a hai a géɗ herkeda, a ngél dai a géɗ ndohi tʼherkeda.

Psaumes 46:10

a til ma var tʼherkeda tèlèba, a pasla lèkèɗ, a pasla tsakwal, a peda gambar a vogwa.

Psaumes 68:5

Va-sla na dimèsh a Bi Zhiklè, va-tsu ganzavar a géɗ nzlembaɗ nengaʼa! Va-tila na civèɗ a nengaʼa man a dè tʼhèshèkèɗ! Va-wuffa a géɗ Ndo nzi pèc pècèk, va-slu dimèsh a ma nengaʼa!

Psaumes 78:65

Te deɓaʼa Bai, Zhiklè, a nslambada ara ndo man a pidèkwe na a nzhunè, ara ngul ndo man zom a mwoslaʼa.

Esaie 14:2

A ta hel ta ndohi kokwar ngiɗè a rai a kokwar bab ta. A ndohi gi Israel ta da ge ta a ɓèl ta, ngur-hi a ngwozi te kokwar Ndo nzi pèc pècèk. Ta da dzaw ta tengaʼa man ta dzawka ta pats ngiɗè, a ta da kwar ta ndohi nʼnga ta matakwan.

Esaie 19:16

A pats nasa, ndohi Egypte ta ara ngwozihai; ta gi zlau, ta gudzai.

Esaie 41:1

Kinè herkeda nte ndev iyam, kinè ndohi herkeda, va-nza tètè a kin tsena ma ga! Va-herdekay va a kin godo. Ngo-do kita cèw!

Esaie 51:9

Slambaɗ ngaya, slambaɗ ngaya! Sala ri ngaya, Ndo nzi pèc pècèk! Slambaɗ ngaya ara nzlèzlèʼa, ara nhalaʼa. Ka man ka gedassa Egypte, a ka keɗa skwi man nara kedam ka ɓi ɗè?

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 57:5

Kin gi wai a sam mʼmbèh fakalau, te verzi gagaɗ, te verzi wof mèmè, a kin zlama ta daʼai a wudahi kinè te slrats te gi za.

Esaie 63:15

Paka di te zhiklè, te gi ngaya nkezlaʼa, nʼnzalaʼa, a herkeda! Srak ngaya tema, wuɗi ngaya tema? Mwoy-ndo ngaya mbia tema? Nga se ka te va azɓi ɗè? Nga da se ka te va genè!

Jérémie 25:30

Ka, hodko ma haha tèlèba a géɗ tengaʼa: Ndo nzi pèc pècèk a vèd htsan te géɗèʼa, a sam nʼnzi nkezlaʼa, a véɗ htsan a géɗ gi na, a nguzlai ara ndohi man ta kèl skwi te klok.

Habakuk 2:20

Ndo nzi pèc pècèk a zhè te gi nengaʼa nkezlaʼa: Herkeda tèlèba da nza tètèʼa a sam na!

Sophonie 1:7

Va-nza tètè a sam Ndo nzi pèc pècèk, te man pats Ndo nzi pèc pècèk a zhè ndul ndul ma. Ndo nzi pèc pècèk a ntil skwi man a zlèhaʼá, a baha ta ndohi a pa.

Sophonie 2:9

A géɗ nengaʼa – ara man i zhè—Zhiklè bi mbiaʼa, Zhiklè Israel, a gaɗa – Moab a da ndi lèmèlèmè ara Sodome, a ndohi Ammon lèmèlèmè ara Gomorrhe, sam mbolombolo, sam blèm, a da nde na a hèshèkèɗ a mèdèp. Njèkèɗi ndohi ga ta da helama ta skwi a metsar, a njèkèɗi kokwar-bi ga ta da ndi gi tengaʼa.

Sophonie 3:8

Gar haha, va-zhèryè, Ndo nzi pèc pècèk a gaɗa, a pats man i slèmbèɗdè ndo malwuɗai, a i gi kita, a i ɓic ta ndohi herkeda, a i baha ta kokwar-bihai, a i ga ta ndzoan a va, a ndav ga man a dzay worworaʼa, a i gedassa kokwar tèlèba a srak man a ndèr a ndo ara vogwa.

Zacharie 4:9

Zorobabel a ri ria a mpau verzi kwa a gi haha, ri nengaʼa a da rufaʼa; a kin da suna, Zhiklè bi mbiaʼa a nzlindkayè a sam kinè.

Zacharie 6:15

Ndohi man ta zhè a sam ndraʼa, ta da shkè, a ta rèm gi Ndo nzi pèc pècèk. A kin da suna, Zhiklè bi mbiaʼa a nzlindkayè. Skwi haha a da gai, aman kin fi gèɗ a ma Ndo nzi pèc pècèk, Zhiklè kinè a vava.

Romans 3:19

Aman nga suna: Ma kita Zhiklè a ngaɗa ta ma a ndohi man ta tʼhwaɗ ma kita, aman a pizlèma ta ma a ndohi tèlè. A herkeda tèlèba ntʼhwaɗ kita Zhiklè.

Romans 9:20

Ndo ga, ka wa, man ka woy a kin virslè a Zhiklè? Skwi nramaʼa a gaɗa na ndo nroma: Ka gyè ar haha èhèmè, ɗè?

Deutéronome 18:21

Wa ngidè ba ka hur te ndav ngaya: Nga da sunko ma man Ndo nzi pèc pècèk a ngaɗa bi tema?

Deutéronome 18:22

Aman skwi man ndo nhadka ma a ngoɗo, a gi azɓai, nasa ma man Ndo nzi pèc pècèk a ngaɗa ɓai; ndo nhadka ma sa a fi va, ka gu zlau nengaʼa ɓai!

Deutéronome 26:15

Paka di a hi te giɗfèk, te sam ngaya nkezlaʼa, a ka pshè ta ma ndohi ngaya, Israel, a kokwar man ka va nga, ara man ka mbaɗa ta babhi nga, kokwar haha man wa a vongwom a hi te pa.